OpenAI-ի գործադիր տնօրեն Սեմ Ալթմանը և լեգենդար դիզայներ Ջոնի Այվը Apple-ի վետերաններից մեկին հրավիրել են աշխատելու նոր սարքի նախագծի վրա, որն աջակցում է AI առաջադեմ գործառույթներին, հայտնում է Bloomberg-ը։ Խոսքը Թան Թանի (Tang Tan) մասին է, ում Apple-ից հեռանալու մասին հայտնի էր դարձել ավելի վաղ։
Թան Թանը կդառնա Quince’s LoveFrom դիզայն ստուդիայի աշխատակից, որը պատասխանատու կլինի նոր սարքերի արտաքին տեսքի և որոշ հնարավորությունների համար։ Apple-ում նա գլխավորել է iPhone-ի և Watch-ի դիզայնի մշակումը։
Ալթմանը, ով դարձել է արհեստական բանականության ժամանակակից արդյունաբերության դեմքը, նախագծին կտրամադրի ծրագրային հարթակ, ասում են Bloomberg-ի աղբյուրները, ովքեր ցանկանում են անանուն մնալ: Աշխատանքը խոստանում է լինել Այվի ամենամեծ նախագծերից մեկը, քանի որ նա 2019-ին հեռացել էր Apple-ից ստեղծելու համար LoveFrom-ը: Apple-ի համահիմնադիր Սթիվ Ջոբսի օրոք նա օգնել է մշակել iMac-ը, iPhone-ը և iPad-ը:
Թանը կգլխավորի նոր ընկերության դիզայներական բաժինը, որը կարտադրի այդ գաջեթները, և կմնա LoveFrom-ի աշխատակից։
Ինչպես արդեն հայտնել էինք, Ալթմանը նոյեմբերին հեռացվել էր OpenAI-ի ղեկավարի իր պաշտոնից և արագ վերականգնվել, նա նյարդայնացրել էր խորհրդի որոշ անդամների՝ բազմաթիվ արտաքին նախագծերում իր մասնակցությամբ: Դրանցից մեկը Այվի հետ համատեղ նախագիծն է։ Խոսքը տան համար նախատեսված որոշ սարքերի մասին է, բայց այստեղ ավարտվում է նախագծի մասին տեղեկատվությունը։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
