Հնդկաստանի Հայդարաբադ քաղաքում գործարկվել է աշխարհում առաջին բանկոմատը, որը թույլ Է տալիս ոսկեդրամներ գնել վարկային կամ դեբետային պլաստիկ քարտերի միջոցներով, գրում է The Economic Times-ը։
Goldsikka ընկերության թողարկած բանկոմատը կարող է տեղավորել 5 կգ ոսկի և դրանից կարելի Է ստանալ 0,5 գրամից մինչև 100 գրամ քաշով մետաղադրամներ:
Բանկոմատի կարևոր առանձնահատկությունն այն է, որ դրա էկրանին ոսկու գինը թարմացվում է իրական ժամանակում՝ Լոնդոնի բորսայում այս թանկարժեք մետաղի գնանշումների փոփոխություններին համապատասխան:
Ոսկու բանկոմատներն ունեն սարքավորված տեսախցիկ և ազդանշանային համակարգ: Առաջիկա 2 տարիների ընթացքում ընկերությունը նախատեսում է 3000 նման բանկոմատ տեղադրել ամբողջ Հնդկաստանում և իր արտադրանքով դուրս գալ համաշխարհային շուկա:
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
