Հայկական Hexact ստարտափը, որն արդեն 4 տարբեր պրոդուկտներ է գործարկել, Product Hunt հարթակում ներկայացրել է իր նոր գործիքը՝ Hexofy-ը:
Բետա-փորձարկման փուլում գտնվող Hexify-ը Chrome-ի հավելված է, որը նախատեսված է տարբեր կայքերից՝ Linkedin-ից, Crunchbase-ից, Reddit-ից և այլ ռեսուրսներից տեղեկատվությունն արագ պահպանելու համար: Եթե նախկինում այս աշխատանքը կատարվում է տեղեկատվությունը copy-paste անելու եղանակով, ապա հիմա այս խելացի գործիքը ավելի հարմարավետ ու արագ է դարձնում տեղեկատվության հետ աշխատանքը՝ թույլ տալով այն պահպանել նաև Google Sheets-ում, կամ CSV ու այլ ձևաչափերով ընդամենը մեկ քլիքով:
Առաջիկայում Hexofy-ն ընդլայնելու է կայքերի ցանկը, որոնցում հնարավոր է կիրառել գործիքը, ինչպես նաև թույլ է տալու կայքերի մեջ ընտրել առանձին հատվածներ, որտեղից անհրաժեշտ է տեղեկատվություն վերցնել:
Hexify-ին աջակցելու և այն օրվա պրոդուկտ դարձնելու համար կարող եք քվեարկել այստեղ:
Կարդացե՛ք նաև՝
- Հայ հիմնադիրներ ունեցեղ Hexact-ը ներկայացվել է StartEngine-ում
- Գործնական տարին՝ կրկնապատկված եկամուտներով. Hexact-ը ամփոփել է տարին
Հետևե՛ք բոլոր թարմացումներին և How2B-ի նորություններին՝ միանալով How2B-ի Տելեգրամյան ալիքին:
