16.1 C
Yerevan
Sunday, September 25, 2022

Հայկական EasyDMARC ստարտափը $2.3մլն ներդրում է ներգրավել

Վերջին լուրերը

Հայկական EasyDMARC ստարտափը $2.3մլն ներդրում է ներգրավել
How2B
How2B-ն մեդիա հարթակ է, որի գլխավոր նպատակն է հեշտացնել բիզնես անելը Հայաստանում:

Հայ հիմնադիներ ունեցող EasyDMARC ստարտափը, որն օգնում է բիզնեսներին պայքարել էլեկտրոնային խարդախությունների՝ ֆիշինգի դեմ, $2.3մլն ներդրում է ներգրավել Acrobator Ventures-ից, Formula VC-ից և Ամերիկայում գործող անանուն հասարակական անվտանգության կազմակերպությունից, գրում է TechCrunch-ը։

EasyDmarc-ն պլատֆորմ է, որը հնարավորություն է տալիս բիզնեսին պաշտպանել դոմեյնն ու էլեկտրոնային հասցեն ֆիշինգից, ինչպես նաև ավելացնել նամակների՝ հասցեատիրոջը հասնելու հավանականությունը։ Այսինքն՝ այն ապահովում է մաքսիմալ անվտանգություն ու արդյունավետություն, որպեսզի կեղծ նամակներն ու ֆիշինգային հարձակումները մերժվեն ստացողի կողմից։


Պրոդուկտը հիմնված է dmarc ստանդարտի վրա՝ այն իմեյլների նույնականացման աշխարհում հայտնի ստանդարտ է, որն այնքան էֆեկտիվ է պայքարում ֆիշինգ հարձակումների դեմ, որ նույնիսկ այնպիսի երկրներում, ինչպիսիք են Ամերիկայի Միացյալ Նահանգները, Ավստրալիան և Մեծ Բրիտանիան, իրենց .gov դոմեններին ընդգրկել են այդ համակարգում։

Այս պահին ստարտափն ունի մոտ 30 000 հաճախորդ աշխարհի 130 երկրներից և հասցրել է ստուգել 9 միլիարդ էլեկտրոնային հասցե։

Ստարտափի հիմնադիրները Գերասիմ Հովհաննիսյանն ու Ավագ Առաքելյան են։

Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։

Կարդացե՛ք նաև

spot_img
spot_img

Ամենաընթերցվածները