Google-ի «մայրը»՝ Alphabet-ը, բանակցությունների վերջին փուլում է, որպեսզի գնի ամպային կիբերանվտանգության ստարտափ Wiz-ը՝ ռեկորդային 23 միլիարդ դոլարով, հայտնում է WSJ-ը:
Alphabet-ը 2012 թվականին 12,5 միլիարդ դոլարով գնել էր Motorola Mobility-ն, և եթե այս գործարքը հաջողվի, այն կդառնա Google-ի պատմության ամենաթանկ գործարքը:
2020 թվականին Նյու Յորքում հիմնված Wiz-ը կարճ ժամանակում հասել է տպավորիչ արդյունքների: Այն հիմնվել է գործադիր տնօրեն Ասաֆ Ռապպապորտի և նրա գործընկերների կողմից: Այս տարվա սկզբին ընկերությունը հանգանակել է 1 միլիարդ դոլարի ֆինանսավորում՝ 12 միլիարդ դոլարի շուկայական կապիտալով՝ դառնալով արհեստական բանականության արդյունաբերությունից դուրս գտնվող այն սակավաթիվ ստարտափներից մեկը, որին հաջողվել է մեծացնել իրենց արժեքը 2024թ.-ին:
Wiz-ի հաջողությունը հատկապես ուշագրավ է ստարտափների շուկայի ընդհանուր անկման ֆոնին, որև սկսվել էր դեռևս տասնամյակի սկզբի տեխնոլոգիական բումից հետո: Ընկերությունը հայտնել է, որ տարեկան 100 միլիոն դոլարի պարբերական եկամուտ է ձեռք բերել ընդամենը 18 ամիս աշխատելուց հետո, ընդ որում, այդ ցուցանիշը 2023 թվականին հասել է 350 միլիոն դոլարի:
Google-ի (Alphabet) և Wiz-ի միջև այս գործարքը կարող է օգնել ամրապնդել Alphabet-ի դիրքերը ամպային հաշվարկում, որը գնալով ավելի կարևոր և արագ զարգացող բիզնես տարածք է դարձել, և որտեղ ընկերությունը դեռևս հետ է մնում իր մրցակիցներից: Չնայած այս բիզնես ոլորտի արագ աճին (Google-ն անցյալ տարի աճել է 26%-ով), ընկերությունը դեռևս զգալիորեն զիջում է իր դիրքերը շուկայի առաջատարներին՝ զբաղեցնելով երրորդ տեղը՝ Amazon-ից և Microsoft-ից հետո:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
