Google Photos հավելվածում շուտով կհայտնվի նոր՝ Wardrobe բաժինը, որը կվերածի օգտատիրոջ լուսանկարների գրադարանը վիրտուալ զգեստապահարանի։
Նոր ֆունկցիան աշխատում է արհեստական բանականության հիման վրա․ այն ավտոմատ կերպով կվերլուծի լուսանկարները, կճանաչի դրանցում առկա հագուստը և կդասակարգի ըստ կատեգորիաների՝ ստեղծելով թվային «զգեստապահարան»։
Օգտատերերը կկարողանան՝
- համադրել տարբեր հագուստներ և ստեղծել outfit-ներ,
- կազմել moodboard-եր անմիջապես հավելվածում,
- «փորձել» ընտրած համադրությունները թվային ավատարի վրա՝ տեսնելու համար, թե ինչպես են դրանք երևում կողքից։
Բացի այդ, ինտեգրված նեյրոցանցը կառաջարկի գնահատականներ և խորհուրդներ՝ ընտրված հագուստների համադրելիության վերաբերյալ։
Նոր հնարավորության թողարկումը նախատեսված է 2026 թվականի ամռանը։ Սկզբում այն հասանելի կլինի Android օգտատերերին, իսկ ավելի ուշ՝ նաև iOS-ում։
