Ship Faster with Claude Code & AI — Hands-On Live Build + Community Meetup

Մարտի 27-ին՝ ժամը 19:30-ին, Armenian Code Academy-ում կկայանա հատուկ հանդիպում՝ նվիրված արհեստական բանականության գործիքների ազդեցությանը ծրագրային ապահովման մշակման գործընթացում։

Հանդիպման խոսնակն է Գոռ Գրիգորյանը՝ ServiceTitan ընկերության Staff Software Engineer։

Միջոցառման ընթացքում խոսնակը կստեղծի իրական ֆունկցիոնալ հնարավորություն՝ օգտագործելով Claude Code գործիքը՝ ներկայացնելով ամբողջ գործընթացը՝ գաղափարից մինչև աշխատող լուծում։ Կազմակերպիչները նշում են՝ հանդիպումը կրում է գործնական, ոչ թե տեսական բնույթ։

Դեմոնստրացիայից հետո նախատեսվում է համայնքային քննարկում, որի ընթացքում կանդրադառնան՝

• ծրագրավորման մեջ AI-ի կիրառման իրական մեթոդներին,

• կոդի գեներացման գործիքներից ստացված փորձին,

• AI-ի ներդրմանը՝ առանց կոդի որակի նվազման,

• ինչպես նաև այն հարցին, թե որտեղ է AI-ն առավել արդյունավետ, և որտեղ՝ ոչ։

Միջոցառումը նախատեսված է ծրագրավորողների, տեխնոլոգիաներով հետաքրքրվողների և ինժեներիայի ապագայով հետաքրքրված անձանց համար։

Գրանցվել կարող եք այստեղ։