Investor Tour 2026 | Discover Armenia’s Tech Ecosystem
Նոյեմբերի 19-21-ը Երևանում կանցկացվի Investor Tour 2026 միջոցառումը, որի նպատակն է ներդրողներին և ոլորտի ներկայացուցիչներին ծանոթացնել Հայաստանի արագ զարգացող տեխնոլոգիական և ստարտափ էկոհամակարգին։
Եռօրյա ծրագրի ընթացքում մասնակիցները հնարավորություն կունենան հանդիպելու հայկական տեխնոլոգիական ոլորտի հիմնադիրներին, այցելելու առաջատար նորարարական կենտրոններ և շփվելու այն մասնագետների հետ, որոնք ձևավորում են երկրի տեխնոլոգիական ապագան։ Ծրագիրը ներառում է նաև հայկական մշակույթի և հյուրընկալության ներկայացում։
Միջոցառման շրջանակում նախատեսվում են.
- այցելություններ առաջատար տեխնոլոգիական ընկերություններ և նորարարական կազմակերպություններ, այդ թվում՝ PicsArt, NVIDIA, Adobe և Krisp,
- մասնակցություն DigiTec 2026-ին՝ տարածաշրջանի ամենախոշոր տեխնոլոգիական և նորարարական ցուցահանդեսին, որն անցկացվում է 2005 թվականից,
- ստարտափների ներկայացման (pitching) հանդիպումներ,
- ներդրողների, ստարտափների հիմնադիրների և էկոհամակարգի ներկայացուցիչների հետ ցանցային շփումներ (networking),
- մշակութային ծրագրեր և հատուկ կազմակերպված հանդիպումներ։
Investor Tour 2026-ի կազմակերպիչները նշում են, որ նախաձեռնության նպատակն է մասնակիցներին հնարավորություն տալ ներսից ծանոթանալու Հայաստանի նորարարական միջավայրին և հանդիպելու այն մարդկանց, որոնք ձևավորում են երկրի տեխնոլոգիական զարգացման հաջորդ փուլը։
