Վերջնական պրոդուկտի ստեղծում առանց կոդինգի | Public Talk#7
Արհեստական բանականությունը հիմնովին փոխում է թվային պրոդուկտների ստեղծման գործընթացը։ Այսօր գաղափար ունեցող ցանկացած մարդ՝ ձեռնարկատեր, մարքեթոլոգ, պրոդուկտ մենեջեր, QA մասնագետ կամ բիզնեսի ներկայացուցիչ, կարող է շատ ավելի արագ և արդյունավետ ստեղծել սեփական թվային լուծումը՝ նույնիսկ առանց ծրագրավորման խոր գիտելիքների։
Մոդելենսի համահիմնադիր և CTO դոկտոր Էդուարդ Փիլիպոսյանը կներկայացնի AI-ի դարում պրոդուկտ ստեղծելու հնարավորությունները, առկա no-code, low-code և AI-assisted գործիքները, դրանց առավելություններն ու սահմանափակումները։
Կքննարկվի, թե պրոդուկտի ստեղծման որ փուլերն են այսօր հնարավոր արագացնել արհեստական բանականության միջոցով։
Մասնակիցները նաև կծանոթանան, թե ինչպես է Modelence-ը օգնում հաղթահարել պրոդուկտի մշակման ամենատարածված խնդիրները և գաղափարը վերածել իրական, օգտագործման պատրաստ լուծման։ Ելույթի ընթացքում կներկայացվեն նաև Modelence-ի միջոցով ստեղծված հաջողված պրոդուկտների իրական օրինակներ (success stories)։
Կարող է մասնակցել ցանկացած մարդ, ով հետաքրքրված է սեփական թվային պրոդուկտ, ստարտափ կամ բիզնես լուծում ստեղծելով՝ ձեռնարկատերեր, ստարտափ հիմնադիրներ, մարքեթոլոգներ, QA մասնագետներ, պրոդուկտ մենեջերներ, ուսանողներ, նորարարներ և տեխնոլոգիաներով հետաքրքրվող անձինք։
Մուտքն ազատ է, պարտադիր գրանցումով։
Էդուարդ Փիլիպոսյանը տեխնոլոգիական ձեռնարկատեր է, ծրագրային ապահովման ճարտարապետ և ինժեներական ղեկավար՝ գրեթե երկու տասնամյակի փորձով՝ ծրագրային հարթակների և բարձր արդյունավետությամբ ինժեներական թիմերի ստեղծման ու զարգացման ոլորտում։ Ներկայումս նա հանդիսանում է Modelence-ի համահիմնադիրն ու տեխնոլոգիական տնօրենը (CTO)։ Modelence-ը արհեստական բանականությամբ աշխատող հարթակ է, որը հնարավորություն է տալիս բիզնեսներին և ձեռնարկատերերին ավելի արագ ստեղծել կիրառման համար պատրաստ թվային լուծումներ՝ ավտոմատացման և խելացի մշակման գործընթացների միջոցով։
