Հունվարի 24-25-ը կկայանա EPIC Jam 2026 երկօրյա գաղափարային մարաթոնը, որի համար արդեն բացվել է հայտերի ընդունումը։
Միջոցառման ընթացքում մասնակիցները թիմերով աշխատելու են իրական խնդիրների վրա և կստանան գործնական պատկերացում՝ ստարտափ ստեղծելու սկզբնական փուլերի մասին։ Մասնակցել կարող են բոլոր ցանկացողները՝ անկախ նախնական փորձից ստարտափներում կամ տեխնոլոգիական ոլորտում։
Հայտերի ընդունման վերջնաժամկետը՝ հունվարի 15-ն է։
Ինչու՞ մասնակցել՝
- Գաղափարները վերածել գործի – թիմերով ուսումնասիրեք իրական խնդիրները, ձևավորեք վաղ լուծումներ և ստուգեք ձեր մոտեցումները ժամանակային ճնշման ներքո։
- Ուսուցում գործի միջոցով – զարգացրեք թիմային աշխատանք, խնդիրների լուծում և գաղափարների ներկայացման (pitching) հմտություններ՝ վարժությունների և սեմինարների միջոցով։
- Փորձի կարիք չկա – EPIC Jam-ը բաց է բոլորի համար, կարևորը հետաքրքրությունն ու մոտիվացիան է։
- EPIC էկոհամակարգի առաջին քայլը – շատ մասնակիցների համար այս միջոցառումն առաջին քայլն է EPIC–ի ձեռներեցության ծրագրերում շարունակելու համար։
Ո՞վ կարող է դիմել
- Նորարար և նախաձեռնող անձինք, որոնք պատրաստ են լուծել իրական խնդիրներ ցանկացած կրթական ոլորտից
- Թիմերը կամ անհատները, որոնք ցանկանում են իրենց գաղափարները դարձնել հաջող ստարտափ։
Գրանցվել այստեղ՝ հայտի ձևաթուղթ։
