Microsoft ընկերության հիմնադիր Բիլ Գեյթսը մտավախություն է հայտնել միլիարդատեր Իլոն Մասկի կողմից Twitter ընկերությունը գնելուց հետո սոցիալական ցանցի փոփոխությունների շուրջ։
«Նա կարող է ամեն բան ավելի վատացնել»,- այս մասին Գեյթսն ասել է Wall Street Journal-ի միջոցառման շրջանակում:
Նա շեշտել է, որ Մասկը տպավորիչ արդյունքների է հասել, ինժեներների հիանալի թիմեր է հավաքել իր մյուս ընկերություններում՝ Tesla-ում և SpaceX-ում, բայց մտավախություն ունի, որ այս անգամ Մասկը չի հաջողի։ Նա նաև նշել է, որ պարզ չէ, թե ինչ նպատակներ ունի միլիարդատերը և, ի վերջո, ինչ է դառնալու Twitter-ը։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
