Granatus Ventures-ը հրապարակում է կատարել և հայտնել, որ աջակցելու 1 շատ խոստումնալից հայկական ստարտափ cognaize-ին։ Ընկերությունը արագորեն կառուցում է ամուր հաճախորդների բազա՝ բաղկացած բարձրակարգ ֆինանսական հաստատություններից:
Ընկերությունը «Seed» ռաունդում ներգրավել է 2 միլիոն դոլարի ներդրում։ Կապիտալի այս ներդրումը կուղղվի ընկերության՝ «Computer Vision» և «Natural Language Processing» կարողությունների հետագա ուժեղացմանն ու նոր շուկաներ գրավելուն:
2018 թվականին հիմնադրված «cognaize»-ը արհեստական բանականության վրա հիմնված ֆինթեք ընկերություն է: Այն բանկերին և ապահովագրական ընկերություններին օգնում է հիմնական տեղեկատվությունը մշակել աննախադեպ տեմպերով և որակով:
Այսօր cognaize-ը ավելի քան 240 հոգանոց թիմ ունի Հայաստանում։ Թիմում են թարգմանիչներ, տվյալների գիտնականներ, տվյալների ճարտարապետներ և ծրագրային ապահովման ճարտարագետներ։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
