Արվեստի բոլոր ոլորտների մասնագետներին և ստեղծարար անձանց Creative Armenia-ն հրավիրում է դիմելու Artbox նորարարական ինկուբատորին, որն իրականացվում է Հայաստանում Եվրոպական միության ֆինանսավորմամբ և ՀԲԸՄ Հայաստանի հետ համագործակցությամբ։
12-շաբաթյա ինկուբացիոն փուլի ընթացքում մասնակիցները հնարավորություն կստանան նորարար օնլայն հարթակի միջոցով սովորել աշխարհի առաջատար բիզնես փորձագետներից և անվանի մշակութային գործիչներից՝ իրենց նախագծերի համար զարգացնելով ամբողջական փաթեթ, որը կներառի ֆինանսական հաջողության համար անհրաժեշտ տարրեր՝ բիզնես նախագիծ, մարքեթինգային ռազմավարություն, փիթչ և ֆինանսների նախագիծ։
Մասնակիցները կստանան բացառիկ հնարավորություն դիմելու նաև «Կատապուլտ» ծրագրի շրջանակներում հայտարարվող դրամաշնորհներին և ֆինանսական աջակցության՝ մշակութային խոշոր ներդրողների կողմից։
Դիմումների ընդունման վերջնաժամկետն է օգոստոսի 12-ը: Ծրագրին ավելի մանրամասն կարող եք ծանոթանալ www.artbox.am կայքում։
Artbox նորարարական ինկուբատորն իրականացվում է ՀԲԸՄ-ի «Կատապուլտ» ստեղծարար աքսելերացիոն ծրագրի շրջանակներում։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
