«Հայաստանը հայտնի է հյուրընկալությամբ, բարենպաստ եղանակով և մշակույթով: Սակայն քչերը գիտեն, որ վերջին տարիներին երկիրն ակտիվորեն զարգանում է որպես տեղեկատվական և տեխնոլոգիական կլաստեր և ձգտում դառնլ աշխարհի գլխավոր IT-հաբերից մեկը»:-այսպես է մեկնարկում իր անդրադարձը РБК հարթակը:
Հարթակն առանձնացրել է արհեստական բանականությունը կիրառող 3 ստարտափ, որոնք նորովի են դարձնում Հայաստանի՝ որպես տեխնոլոգիական կենտրոնի ճանաչելիությունը:
Երեք ստարտափներն էլ աջակցություն են ստանում FAST հիմնադրամից: Վերջինիս համահիմնադիր և Սինգապուրում McKinsey & Company-ի պատվավոր նախագահ Անդրո Անդոնյանը, անդրադառնալով արհեստական բանականությամբ գործող տեխնոլոգիաներին, նշել է, որ արհեստական բանակնությունը էապես կյանքի մակարդակը:
Արագ որոշումներ նորաձևության ոլորտում
Առաջին ստարտափը, որը արհեստական բանականության օգնությամբ լուծումներ է առաջարկում նորաձևության ոլորտում, HopShop-ն է: Թիմն օգտագործում է արհեստական բանականությունը՝ ցանկացած նկարի կամ հոլովակի միջից հետաքրքրող ապրանքները գտնելու ու դրանք գնելու համար:
Եվ բացարձակ կարևոր չէ, թե լուսանկարն արված է իրական կյանքու՞մ, թե՞ սքրինշոթ է սոցիալական ցանցից. արհեստական բանականությունը կգտնի ապրանքը ցանկացած նկարով:
Ապրանքների Shazam: Տիգրան Չախալյանը HopShop-ի, ստարտափ սկսելու և մրցակիցների մասին
Նոր հայացք երաժշտական աշխարհին
Արհեստական բանականության կիրառելիությունը ոլորտներ չի ճանաչում: Հենց դա է ապացուցում doodooc ստարտափը: Այն երաժշտության վիզուալիզացիայի գեներացման հարթակ է, որը թույլ է տալիս ստեղծել ադապտիվ անիմացիա, որը արձագանքում է երաժշտությանը:
doodooc-ի թիմը մշակել է ծարգրային ապահովում արհեստական բանականության հիմքով, որը թույլ է տալիս վերլուծել երաժշտությունը 11 շերտերի մակարդակով և սինխրոնիզացնում արդյունքները անիմացիայի 300 նմուշների հետ, որպեսզի հետո ավտոմատ կերպով ստեղծի վիզուալիզացիա՝ առանց կողմնակի մասնակցության:
Հայկական doodooc ստարտափը՝ FIFA Երկրպագուների փառատոնի գործընկեր
Նոր տեխնոլոգիաներ դեղագիտության ոլորտում
Denovo Sciences-ը եկել է փոխելու դեղագիտության ոլորտը: Թիմը մեքենայական ուսուցման ալգորիթմների միջոցով նոր դեղանման միացություններ է նախագծում:
Denovo Sciences-ը ունակ է նախագծել և օպտիմիզացնել քիմիական կառուցվածքներն ինքնուրույն, նույնիսկ եթե հիվանդության մասին տվյալները բավարար չեն:
Առավել մանրամասն РБК-ի անդրադարձի մասին կարդացե՛ք այստեղ:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
