Մերիդիան Էքսպո Կենտրոնում մեկնարկել է տարվա ամենանշանակալի իրադարձություններից մեկը՝ «ԴիջիԹեք Էքսպո 2024»-ը: Այս տարի այն առանձնանում է նաև ֆինանսական ոլորտի ընկերությունների ակտիվ մասնակցությամբ և ներդրումային առաջարկների բազմազանությամբ:
Ցուցահանդեսի ֆինթեք գործընկեր Ամերիաբանկը ներկայանում է իր MyInvest ներդրումային հարթակով: Այն միակն է ՀՀ ներդրումային շուկայում, որի միջոցով հնարավոր է րոպեների ընթացքում օնլայն բացել բրոքերային հաշիվ և առանց բանկ այցելելու գործարքներ կատարել հայկական, ամերիկյան, եվրոպական և ասիական երկրների բորսաներում, ինչպես նաև արտաբորսայական շուկաներում։
Ամերիաբանկի բրոքերային ծառայությունների ղեկավարի խոսքով՝ հայաստանյան շուկայում ներդրումների նկատմամբ հետաքրքրությունը վերջին շրջանում էապես աճում է, ինչին նպաստում են նաև առաջարկվող հարմարավետ լուծումները:
Արժեթղթերի շուկայի ընձեռած հնարավորությունները ներկայացվեցին նաև Դիջիինվեստ տաղավարի «Թվային ներդրումների ապագան. նոր գործիքներ և հնարավորություններ ՀՀ ֆինանսական շուկայում» խորագրով պանելային քննարկման ժամանակ, որի բանախոսներից էր նաև Ամերիաբանկի ներկայացուցիչը:
Ավելին, Ամերիաբանկը Digitec-ում բացահայտում է նաև լավ ներդրող դառնալու համար անհրաժեշտ հատկանիշները՝ հեռատես, համբերատար, հավասարակշռված, խելացի, համարձակ և հաջողակ, և սա անում է 6 փորձությունների միջոցով։ Իսկ բոլոր փուլերը հաջողությամբ անցնելու պարագայում ԴիջիԹեքի այցելուները հնարավորություն ունեն անվճար բացելու բրոքերային հաշիվ և ստանալու իրենց առաջին բաժնետոմսը նվեր։
Մանրամասների դիտեք մեր ռեպորտաժում
