Modex-ը հրապարակել է 2026 թվականի առաջին եռամսյակում ՏՏ խոշոր հարկատուների ցանկը։
1000 խոշոր հարկատուների ցանկում ներառվել է 78 ՏՏ ընկերություն, որոնք պետբյուջեի համար ապահովել են 28 միլիարդ դրամի եկամուտ, ինչը 9 միլիարդ դրամով ավելի է, քան 2025 թվականի նույն ժամանակաշրջանում 1000 խոշոր հարկատուների ցանկում ներառված ՏՏ ընկերությունների վճարած հարկերը:
1000 խոշոր հարկատուների ցանկում ներառված ՏՏ ընկերությունները միասին 2026 թվականի հունվար-մարտ ամիսներին ապահովել են ՊԵԿ-ի կողմից վերահսկվող եկամուտների 4.4%-ը:
78 ՏՏ ընկերությունները միասին վճարել են 2 միլիարդ դրամի շահութահարկ, որտեղ առաջատար Digitain ընկերությունը ապահովել է վճարված շահութահարկի 52%-ը (1,139 միլիոն դրամ):
ՏՏ ոլորտի 20 ամենախոշոր հարկատուներից 16-ի դեպքում վճարած շահութահարկերը նվազել են, անկումը խոշոր է հատկապես KEH Armenia, Synopsys Armenia և Nexters Studio Armenia ընկերությունների դեպքում։
2025թ-ի տարեկան տվյալներով՝ Digitain-ի հասույթի կառուցվածքում ամենամեծ մասնաբաժինը պատկանում էր ՏՏ գործունեության տեսակներին:
Ride Tech-ի (Yandex Taxi) բիզնես մոդելի ուսումնասիրության արդյունքում պարզվել է, որ կազմակերպությունը մասնագիտացած է պլատֆորմի զարգացման, մշակման և շահագործման աշխատանքներում։
Հրապարակման մեջ նշվում է, որ յուրաքանչյուր ընկերության գծով հարկերը հաշվարկվել են որպես պետբյուջե ընկերությունից վճարված ընդհանուր գումարների և ԱԱՀ, ակցիզային հարկի մասով միասնական հաշիվ վերադարձված գումարների տարբերություն։
