Alchemist Doha վենչուրային ընկերությունը հայտարարել է հայկական Denovo Sciences ստարտափում ներդրման մասին։
Denovo Sciences-ը խորը տեխնոլոգիական ստարտափ է, որը փոխակերպում է դեղերի հայտնաբերման գործընթացը՝ հիմնվելով ուժեղացված ուսուցմամբ մոլեկուլների գեներացման վրա։ Նրանց AI հարթակը բացում է առաջընթացի նոր ուղիներ այնտեղ, որտեղ ավանդական տվյալահեն մոդելներն անհաջողության են մատնվում՝ ներուժ ունենալով վերաձևակերպելու բարդ հիվանդությունների բուժման մոտեցումները։
«Ուրախ ենք հայտարարել մեր ներդրման մասին Denovo Sciences-ում՝ առաջատար խորը տեխնոլոգիական ընկերությունում, որը հեղափոխություն է մտցնում դեղերի հայտնաբերման ոլորտում՝ առաջադեմ արհեստական բանականության միջոցով: Denovo-ի հետ մեր հարաբերությունները խորապես հարստացել են Հայաստանում բազմաթիվ հանդիպումների շնորհիվ, որտեղ մենք առաջին անգամ կապ հաստատեցինք թիմի հետ մեր գործընկեր Triple S Ventures-ի միջոցով, Քաթարում, որտեղ մենք պատիվ ունեցանք անձամբ հանդիպել հիմնադիրների և գիտական ղեկավարության հետ, և Պալո Ալտոյում՝ ամրապնդելով մեր համագործակցությունը»,- նշվում է Alchemist Doha-ի հայտարարության մեջ։
Denovo Sciences-ի համահիմնադիր Հովակիմ Զաքարյանն էլ գրում է, որ ստարտափը ստացել է ֆինանսական մեծ ներդրում Քաթարից, որը հնարավորություն կտա շարունակել ստեղծել դեղամիջոցների հայտնաբերման համար անհրաժեշտ ԱԲ գործիքներ, ինչպես նաև ունենալ հետազոտական թիմ Դոհայում, որը կաշխատի մեր նոր գաղափարների վրա։
Կարդացե՛ք նաև.
