ԱՄՆ նախագահ Դոնալդ Թրամփը ստորագրել է կրիպտոարժույթների ռազմավարական պահուստ ստեղծելու մասին խոստացված հրամանագիրը։ Այն կհամալրվի բիթքոյններով, մինչդեռ թվային ակտիվների առանձին ձևավորված պահուստը հնարավոր կլինի համալրել այլ կրիպտոարժույթներով։ ԱՄՆ իշխանությունների այս որոշումը առանձնացնում է բիթքոյնը այլ կրիպտոարժույթներից և որոշակի ազդանշան է ուղարկում ֆինանսական շուկաներին, գրում է CNBC-ն։
Կրիպտոարժույթի պահուստի հետ կապված ԱՄՆ կառավարության քաղաքականության շրջանակը կձևավորվի գանձապետարանի և առևտրի գերատեսչությունների կողմից, սակայն առայժմ հայտնի է միայն, որ Դոնալդ Թրամփի հրամանագրով բիթքոինի ռազմավարական պահուստի համալրման աղբյուրները կլինեն օրինական հիմքերով առգրավված կրիպտոարժութային ակտիվները։
ԱՄՆ կառավարությունը չի նախատեսում վաճառել պահուստում տեղադրված բիթքոյնները, չի նախատեսում գնել դրանք, ուստի հարկատուներին առանձնապես չպետք է անհանգստացնի այս նորամուծությունը։ Պահուստը կառավարելու է ԱՄՆ ֆինանսների նախարարությունը, իսկ ոլորտի հայտնի գործիչ Դեյվիդ Սաքսն արդեն համեմատել է ԱՄՆ ռազմավարական կրիպտոարժութային պահուստը Ֆորտ Նոքսի հետ, որտեղ պահվում են երկրի ոսկու պաշարները։
Ենթադրվում է, որ ԱՄՆ կառավարությունը ներկայումս տիրապետում է մոտ 200,000 բիթքոյնի, թեև այս ոլորտում մանրակրկիտ աուդիտ չի իրականացվել: Թվային ակտիվների պահուստը, որը կպարունակի իշխանությունների կողմից ստացված այլ կրիպտոարժույթներ, կդառնա առանձին հիմնադրամ, որը չի համընկնի ռազմավարական պահուստի հետ։
Պահուստի համալրման մասին լուրը միայն բռնագրավված ակտիվներից իջեցրեց բիթքոյնի գինը 5%-ով, քանի որ ներդրողները փնտրում էին ավելի ակտիվ քաղաքականություն ԱՄՆ արժութային իշխանությունների կողմից: Հոդվածը գրելու պահին բիթքոյնի փոխարժեքը կազմում է $88,557` մեկ քոյնի դիմաց։
Կարդացե՛ք նաև.
