ԱՄՆ նախագահ Դոնալդ Թրամփը հայտարարել է մասնավոր հատվածում մինչև 500 միլիարդ դոլարի ներդրման մասին՝ արհեստական բանականության ենթակառուցվածքների ֆինանսավորման համար՝ նպատակ ունենալով գերազանցել մրցակից երկրներին բիզնեսի համար կարևոր տեխնոլոգիաների ոլորտում: Այս մասին գրում է Reuters-ը։
Թրամփը նշել է, որ ChatGPT-ի ստեղծող OpenAI-ը, SoftBank-ը և Oracle-ը ծրագրում են համատեղ ձեռնարկություն սկսել՝ Stargate անունով, որը կկառուցի տվյալների կենտրոններ և կստեղծի ավելի քան 100,000 աշխատատեղ Միացյալ Նահանգներում:
Այս ընկերությունները 100 միլիարդ դոլար են հատկացրել հնարավորինս շուտ տեղակայման համար, իսկ մնացած ներդրումները ակնկալվում են առաջիկա չորս տարիների ընթացքում:
SoftBank-ի գործադիր տնօրեն Մասայոշի Սոն, OpenAI-ի գործադիր տնօրեն Սեմ Ալթմանը և Oracle-ի նախագահ Լարի Էլիսոնը միացան Թրամփին Սպիտակ տանը՝ մեկնարկի համար:
Նշվում է, որ նախագծի տվյալների կենտրոններից առաջինն արդեն կառուցվում է Տեխասում։ Նախատեսվում է կառուցել ևս 20-ը։
Նախագիծը կարող է հզորացնել արհեստական ինտելեկտը, որը վերլուծում է առողջության էլեկտրոնային գրառումները և օգնում բժիշկներին հոգ տանել իրենց հիվանդների մասին:
Նշենք, որ 2024 թվականի մարտին «The Information»-ը հայտնել էր, որ OpenAI-ը և Microsoft-ը աշխատում են 100 միլիարդ դոլար արժողությամբ տվյալների կենտրոնի նախագծի վրա, որը կներառի արհեստական բանականության սուպերհամակարգիչ և նույնպես կոչվում է «Stargate»։ Նշվել էր, որ այն կգործարկվի 2028 թվականին:
