Apple-ը սկսել է իր խանութի միջոցով վաճառել iPhone 16 և 16 Pro սմարթֆոնների պահեստամասեր, ներառյալ տեսախցիկներ, դիսփլեյներ և մարտկոցներ։ Այժմ օգտատերերը կկարողանան ինքնուրույն վերանորոգել իրենց սարքերը։
Ինչպես հայտնում է The Verge-ը, Apple-ն ընդլայնել է պահեստամասերի խանութի տեսականին՝ ավելացնելով բաղադրիչներ iPhone 16-ի և 16 Pro-ի համար: Գաջեթների սեփականատերերը կարող են ձեռք բերել ամենից հաճախ վնասված մոդուլների օրիգինալ պահեստամասեր, ինչպիսիք են տեսախցիկները, դիսփլեյները և վահանակները, իսկ սեպտեմբերին հրապարակված պաշտոնական ուղեցույցի շնորհիվ դժվար չի լինի սարքը վերանորոգել առանց hամապատասխան ծառայությանը դիմելու:
Տեսախցիկի մոդուլը կարժենա 169 դոլար iPhone 16-ի և 16 Plus-ի համար, իսկ 249 դոլար՝ 16 Pro-ի և Pro Max-ի համար։ Նոր էկրանների գները տատանվում են 279 դոլարից 379 դոլարի սահմաններում՝ կախված մոդելից: Հիմնական iPhone-ների մարտկոցները կարժենան 99 դոլար, իսկ iPhone 16 Pro մոդելներինը՝ 119 դոլար։ Նրանց համար, ովքեր չունեն անհրաժեշտ գործիքներ, Apple-ն առաջարկում է 49 դոլարով մասնագիտացված վերանորոգման հավաքածուի վարձույթ:
Հարկ է նշել, որ iPhone-ի ինքնավերանորոգումը այլևս ռիսկային չէ՝ շնորհիվ Apple-ի այս քայլի։ Ինքնուրույն վերանորոգումը սովորաբար ավելի էժան է, քան սպասարկման կենտրոնում վերանորոգումը, հատկապես, երբ այնտեղ օգտագործվում են նախկինում օգտագործված պահեստամասեր։
Ակնկալվում է, որ ապագայում Apple-ը կբարելավի բաղադրիչները՝ մարտկոցները և էկրանները՝ դրանք ավելի մատչելի դարձնելով։
Apple-ը սկսել է iPhone 16-ի և 16 Pro-ի ինքնավերանորոգման պահեստամասերի վաճառքը
