Apple-ը հայտարարել է իր AirPods ականջակալների համար նոր սերնդի եզակի սենսորային տեխնոլոգիայի համար արտոնագրի ստացման մասին:
Տեխնոլոգիայի միջոցով հնարավոր կլինի օգտագործողների մասին մինի հետազոտություններ անցկացնել և վերլուծել օգտատիրոջ ուղեղի ակտիվությունը: Սա պարզապես հարմարավետության տեխնոլոգիա չի լինի, նման ականջակալների միջոցով հնարավոր կլինի հետևել ձեր հույզերին և բովանդակության նկատմամբ ռեակցիաներին՝ գովազդային ալգորիթմներն ավելի ճշգրիտ դարձնելու համար:
Apple-ի ականջակալների սենսորների և էլեկտրոդների համակարգը դինամիկ կերպով կհարմարվի յուրաքանչյուր օգտատիրոջ անատոմիական առանձնահատկություններին՝ ապահովելով չափումների նույն արդյունավետությունը՝ անկախ ականջների չափից և ձևից: Համարվում է, որ կենսաչափական տվյալներ օգտագործող նեյրոմարքեթինգային կանխատեսումները կունենան 84% ճշգրտություն, ինչը թույլ կտա վերլուծել օգտատերերի չաղավաղված կենսաբանական ռեակցիաները տարբեր տեղեկատվական նյութերի նկատմամբ:
Նման տեխնոլոգիայի ի հայտ գալը մտահոգություններ է առաջացնում գաղտնիության և ընտրության ազատության վրա հնարավոր բացասական ազդեցության վերաբերյալ: Կենսաազդանշանների և ուղեղի ակտիվության վերլուծությունը կազմակերպություններին եզակի հնարավորություն կտա գնահատել օգտատերերի հուզական ռեակցիաները բովանդակության նկատմամբ և հարմարեցնել այն իրենց նպատակներին: Որոշ փորձագետներ անհանգստանում են, որ այս տվյալները կարող են օգտագործվել մեծ թվով մարդկանց վրա ազդելու և նրանց մտածելակերպը փոխելու համար:
Կարդացեք նաև՝
- Ընդամենը չորս նշանով iPhone-ը կարելի է ժամանակավորապես շարքից հանել
- Android սմարթֆոններում հայտնաբերվել են թաքնված լրտեսական գործառույթներ
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
