Apple-ը պատրաստվում է աշնանը ներկայացնել նոր՝ չորրորդ սերնդի AirPods-ի երկու տարբերակ, գրում է 9to5Mac-ը։
Ենթադրվում է, որ AirPods 4-ը կփոխարինի շուկայում AirPods 2 և 3 մոդելներին, որոնք ներկայացվել են համապատասխանաբար 2019 և 2021 թվականներին։
Նոր ականջակալները կլինեն ակտիվ ձայանմեկուսիչ տարբերակով, սակայն հիմնական տարբերակը կլինի առանց դրա: Ակնկալվում է, որ նրանց միջև տեսողական տարբերություններ չի նկատվի։
AirPods 4-ի երկու տարբերակներն էլ կունենան USB-C միակցիչ, որը կլրացվի լիցքավորման պատյանով, սակայն ավելի թանկ տարբերակը լրացվում է անկոնտակտ լիցքավորման գործառույթով:
Միևնույն ժամանակ, AirPods Pro-ի շարքը դեռ չի թարմացվելու։ AirPods 4-ը մոդելի հավանական անվանումն է, բայց իրականում այն կարող է փոխվել։
Հիշեցնենք, որ առաջին սերնդի AirPods-ն օգտատերերին ներկայացվել է 2016 թվականի աշնանը՝ միաժամանակ թողարկվելով iPhone 7-ը, որը դարձել է Apple-ի առաջին սմարթֆոնն առանց ականջակալների խցիկի։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
