Telegram-ի 11-ամյակի առթիվ, ադմինիստրացիան տոնական թարմացումներ է ներկայացրել մեսենջերում։ Այն ներառում է աստղիկնրով արձագանքներ, վճարովի բաժանորդագրությամբ ալիքներ, բոտերի և բիզնես հաշիվների կողմից վճարովի լուսանկարներ և տեսանյութեր հրապարակելու հնարավորություն, ինչպես նաև այլ ալիքների կամ անձնական հաշիվների անունից հաղորդագրություններ փակցնելու հնարավորություն:
Այսուհետ սիրելի ալիքին կամ բլոգերին աջակցելու համար օգտատերերը կարող են նրանց աստղային արձագանքներ ուղարկել:
Նման ալիքների սեփականատերերը կստանան ուղարկված «աստղերի» 100%-ը՝ մեսենջերի ներքին արժույթը, որը կարելի է փոխանակել Toncoin կրիպտոարժույթով նվազագույն միջնորդավճարով կամ օգտագործել գովազդի համար՝ վճարելո 30% զեղչով:
Աստղիկների արձագանքներով հաղորդագրությունները ցույց են տալիս ամենաշատ աստղերը ուղարկած օգտատերերին, բայց նրանք կարող եք թաքցնել իրենց անունը այդ ցանկից: Ալիքների համար աստղային ռեակցիաները պետք է առանձին-առանձին միացված լինեն դրանց կարգավորումներում:
Բլոգերներն այժմ կարող են նաև ստեղծել ալիքներ, որոնց բաժանորդագրությունն իրականացվում է ամսավճարով՝ փոխանցված «աստղիկներով». նման ալիքներին բաժանորդագրվելու համար հեղինակները պետք է գեներացնեն հատուկ հղումներ։
Նախկինում ալիքների սեփականատերերը հնարավորություն ունեին դրամի վերածելու բովանդակությունը՝ հրապարակելով վճարովի լուսանկարներ և տեսանյութեր։ Այս գործառույթն այժմ հասանելի է բոտերի և բիզնես հաշիվների համար: Այս հատկությունը օգտակար կլինի ծառայությունների մշակողների համար, օրինակ՝ պատկերի գեներատորներ և տեսանյութերի որակի բարելավման ծառայություններ։
Ալիքի սովորական հաղորդագրությունները ուղեկցվում են դրա սեփականատիրոջ անունով և պատկերով, սակայն սա այժմ կարելի է փոխել՝ դրա կարգավորումներում միացնելով Super Channel ֆունկցիան: Երբ այն ակտիվ է, ադմինիստրատորը կարող է ընտրել այն պրոֆիլը, որի անունից կհրապարակվի հրապարակումը: Ադմինիստրատորը կմնա անտեսանելի բաժանորդների համար, քանի դեռ չի որոշել հրապարակել իր անունից:
Վերջապես, Telegram-ը հնարավորություն ունի iOS-ի համար դիտել փաստաթղթեր, ինչպիսիք են՝ PDF, XLS և DOCX. դրանք բացվում են առանձին մեսենջերի էջում և թույլ են տալիս հեշտությամբ կատարել անցումները չաթերի և ֆայլերի միջև:
Մեսսենջերի կայքից անմիջապես ներբեռնված iOS և Android տարբերակների օգտատերերը կարող են ներբերռնել այս նոր տարբերակը, սակայն Google Play-ի մոդերատորները դեռ չեն հաստատել թարմացումը։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
