Դեռ հուլիսին Neuralink-ի գործադիր տնօրեն Իլոն Մասկը հայտարարել էր, որ ընկերության պատմության մեջ երկրորդ հիվանդը նույն ամսում ուղեղի իմպլանտ կստանա՝ վերականգնելու նյարդային համակարգի կորցրած գործառույթները։ Ըստ երևույթին, վիրահատությունը հաջող է անցել, քանի որ օրեր առաջ Մասկը հայտարարել է Neuralink իմպլանտով երկրորդ հիվանդի հայտնվելու մասին։
Հիշենք, որ դրա տեղադրման գործողությունը ենթադրում է գանգի մեջ փոքր անցք բացելն ու անցքի մեջ մետաղադրամի տրամագծով փոքրիկ սարքի տեղադրումը, որը միանում է ուղեղի կեղևին՝ օգտագործելով ամենաբարակ 1024 էլեկտրոդները: Նրանց կապը մարդու ուղեղի հետ իրականացնում է հատուկ այդ նպատակով ստեղծված բժշկական ռոբոտը։ Իլոն Մասկի խոսքով՝ ընկերության երկրորդ պացիենտը ստացել է նույն իմպլանտը, որն ունի առնվազն 400 էլեկտրոդ։ Թե կոնկրետ երբ է կատարվել երկրորդ հիվանդի վիրահատությունը, չի նշվում։
Հիշեցնենք, որ առաջին պացիենտը՝ Նոլանդ Արբոն, ով ստացել էր իմպլանտը դեռ հունվարին, հետագայում բախվել է իմպլանտացված էլեկտրոդներից մի քանիսի՝ ուղեղի կեղևի հետ շփման կորստին։
Այս տարվա համար համաձայնեցված կլինիկական փորձարկումների ծրագրի շրջանակներում Neuralink-ը մտադիր է իմպլանտներ տեղադրել ևս ութ հիվանդի ուղեղում։
Կարդացե՛ք նաև.
- Neuralink-ը թաքցրել է ուղեղի իմպլանտների կոնտակտների հետ կապված խնդիրները
- Neuralink-ը հետաձգել է ուղեղի իմպլանտի երկրորդ վիրահատությունը
- Neuralink-ով «չիպավորված» առաջին մարդը կարողացել է շախմատ խաղալ մտքի ուժով
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
