Իլոն Մասկի Neuralink ընկերությունը չեղարկել է իր նորարարական սարքը երկրորդ պացիենտի վրա տեղադրելու վիրահատությունը: Պատճառը վերջինիս առողջական վիճակն է։
Ինչպես հայտնում է Bloomberg-ը՝ վկայակոչելով Բարրոու նյարդաբանական ինստիտուտի գործադիր տնօրեն Մայքլ Լոութոնին, հիվանդը տառապում է Լու Գերիգի հիվանդությամբ՝ անբուժելի հիվանդությամբ, որն առաջացնում է ուղեղի և ողնուղեղի նյարդային բջիջների քայքայում և ի վերջո հանգեցնում մկանների ամբողջական կաթվածի։
Հիվանդի առողջական խնդիրների պատճառով առայժմ հնարավոր չի եղել տեղադրել Neuralink սարքը։
Վիրահատությունը պետք է տեղի ունենար անցած երկուշաբթի։ Փոխարինող թեկնածուն, ամենայն հավանականությամբ, հաջորդ ամիս վիրահատության կենթարկվի Բարրոու կլինիկայում:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
