Այսօր ՀՀ Ազգային ժողովում երկրորդ ընթերցմամբ և ամբողջությամբ ընդունվեց կառավարության ներկայացրած «Անկանխիկ գործառնությունների մասին» օրենքը և կից ներկայացված օրենքների նախագծերի փաթեթը:
Ըստ ընդունված նախագծի ․
• ՀՀ տարածքում ֆիզիկական անձանց միջև 300 000 ՀՀ դրամը գերազանցող վճարումը և վճարման ստացումը կիրականացվի անկանխիկ ձևով:
• 2022թ. հուլիսի 1-ից գրավատների կողմից 80 հազարի դրամից ավելի վարկերը կտրամադրվեն բացառապես անկանխիկ ձևով. տարեցտարի այդ շեմը կնվազի՝ 2024-ին հասելով 30 հազար դրամի:
• Բանկերի, վարկային կազմակերպությունների, ինչպես նաև լիցենզիայի հիման վրա վարկեր և փոխառություններ տրամադրելու իրավունք ունեցող անձանց կողմից տրամադրվող վարկերը և փոխառությունները ևս տրամադրվում են բացառապես անկանխիկ ձևով:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։