ՄԱԿ-ի Զբոսաշրջության համաշխարհային կազմակերպության (UNWTO) հետ համատեղ սեպտեմբերի 6-8-ը Երևանում կանցկացվի Զբոսաշրջության համաշխարհային ներդրումային համաժողովը։
Համաժողովին կմասնակցեն ՄԱԿ-ի անդամ երկրների զբոսաշրջության ոլորտի ներկայացուցիչներ, օտարերկրյա այլ երկրներ, օտարերկրյա և տեղական ներդրողներ և բանախոսներ, լրատվամիջոցներ, պետական և մասնավոր կառույցներ, այս մասին հայտնում է arka.am-ը՝ հղում անելով Զբոսաշրջության կոմիտեին։
Հայաստանում ներդրումային ֆորումի կազմակերպումը կնպաստի միջազգային փորձագետների կողմից ներդրումային ոլորտում իրենց փորձի ուսումնասիրմանը և ներկայացմանը, ոլորտի այսօրվա մարտահրավերների և ռիսկերի քննարկմանը և այլ արդիական հարցերի: Ինչպես նշել են Կոմիտեում, համաժողովի շրջանակներում նախատեսվում են նաև սոցիալական և մշակութային միջոցառումներ՝ Հայաստանի զբոսաշրջային ներուժն ու տեսարժան վայրերը ներկայացնելու նպատակով։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
