«Յանդեքսի» փոխնախագահ Տիգրան Խուդավերդյանի վարպետության դասը Մատենայում

«Յանդեքսի» փոխնախագահ Տիգրան Խուդավերդյանը վարպետության դաս է անցկացրել Մատենայում, որի ընթացքում իր հարուստ փորձով է կիսվել «Leading Change» ծրագրի մասնակիցների հետ։

Ներկայացնում ենք հանդիպման ժամանակ հնչած մի քանի օգտակար խորհուրդներ ու մտքեր․

• Մարդկանց միջև խզումը մեծացնում է ընկերության գործունեության մասին տեղեկատվության պակասը:
  
• Կազմակերպության հաջողության համար անհրաժեշտ է այնպիսի համակարգ ստեղծել, որում յուրաքանչյուր մակարդակի կառավարիչ կկարողանա իր նմանին ընդունել աշխատանքի, որպեսզի ընկերությունում մասնագիտական որակները և արժեքներն ընդհանուր առմամբ համընկնեն:
  
• Մարդկանց ոգեշնչում է աշխատանքը, հետաքրքիր առաջադրանքը: Դա այն է, ինչով մարդկանց կարելի է «գնել»:
  
• Որոշում կայացնելու իրավունքը տրվում է ենթակային վերջինիս կողմից բաց լինելու դիմաց։
  
• Ստեղծելով ծառայություն պատկերացրեք, որ դրանից օգտվելու են ձեր հարազատները. սա շատ ուժեղ միջոց է պրոդուկտը սխալ ուղղությամբ չտանելու համար։
  
• Ընկերությունը, որը ցանկանում է ավելի մեծ հաջողություններ գրանցել, պետք է պարբերաբար փոխի մոդելը․ դա առաջացնելու է նաև ցավոտ փոփոխություններ։
  
• Ճգնաժամի մեջ «չփլուզվելու» համար անհրաժեշտ է սահմանել անխախտ սկզբունքներ։ Մենք որոշեցինք, որ այս ճգնաժամային իրավիճակում չենք կրճատի մեր տաղանդների քանակը՝ անկախ այլ կորուստներից։

- Advertisement -

Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։