Իլոն Մասկի ամենաերիտասարդ ընկերությունը շարունակում է արագորեն մեծացնել իր կապիտալը: Հոկտեմբերին նշված 5 միլիարդ դոլարի փոխարեն xAI ստարտափը վերջերս հավաքել է 6 միլիարդ դոլար՝ վաճառելով սեփական բաժնետոմսերը ներդրողներին։ Վերջիններիս թիվը հասել է 97-ի, ինչը վկայում է արհեստական ինտելեկտի ենթակառուցվածքը զարգացնող xAI ստարտափի գործունեության նկատմամբ ներդրողների մեծ հետաքրքրության մասին։
Նվազագույն ներդրումը, որ ներդրողները կատարել են այս ֆինանսավորման փուլում, համապատասխանում է $77,593-ին։ Հաշվի առնելով ընդհանուր գումարը, xAI-ի կապիտալիզացիան պետք է մոտենա $50 մլրդ-ի կամ նույնիսկ գերազանցի այս նշագիծը:
Նշենք, որ մայիսյան ներդրումային փուլը, որը հավաքեց $6 մլրդ, xAI-ի կապիտալիզացիան գնահատեց $24 մլրդ։
Ակնկալվում է, որ նոր ներդրումների զգալի մասը կօգտագործվի xAI-ի կողմից՝ ֆինանսավորելու Թենեսի նահանգի Մեմֆիս քաղաքում տվյալների կենտրոնի կառուցումն ու սարքավորումը, որում Dell-ը, Nvidia-ն և Super Micro-ն գործընկերներ են:
Ինչպես պարզաբանել են առաջին ընկերության ներկայացուցիչները՝ ընդհանուր առմամբ այս տվյալների կենտրոնը կունենա մոտ 1 միլիոն գրաֆիկական պրոցեսոր (GPU), որոնք կօգտագործվեն հաշվարկներն արագացնելու համար։
