2022-ի առաջին կիսամյակում Վրաստանից Հայաստան է ներկրվել 14,6 միլիոն դոլար ընդհանուր արժողությամբ ավելի քան 2000 ավտոմեքենա այն դեպքում, երբ 2021-ի առաջին կիսամյակում ներկրվել էր մոտ 10-ն անգամ քիչ՝ ընդամենը 234 մեքենա:
Վրաստանի ավտոներկրողների խորհրդի ղեկավար Լաշա Դարբիսելիի կարծիքով՝ Վրաստանից Հայաստան ներկրված ավտոմեքենաները արտահանվում են Ռուսաստան: Վերջինս նաև նշել է, որ Հայաստանի ավտոշուկան շուտով կարող է Վրաստանի համար լուրջ մրցակից դառնալ:
«Ոլորտի ինձ ծանոթ մարդիկ, օրինակ՝ Ղազախստանից, կոնկրետ մոդելներ չեն կարողանոմ գնել Վրաստանում և գնում են Հայաստանում: Նման շատ փաստեր կան: Իրականում, մեր կողքին մրցակից շուկա է ստեղծվում, որը շուրջ 800 միլիոն դոլար կտանի: Նախկինում նման մրցակից էր համարվում Ադրբեջանը: Եթե հիմա չդիմանանք, ապա հետագայում կկորցնենք մեր դիրքերը»,- նշել է Դարբիսելին: