ՀՀ բարձր տեխնոլոգիական արդյունաբերության նախարարությունը հայտարարում է VivaTech 2023 7-րդ ամենամյա միջազգային ցուցահանդեսի մասնակցության հայտադիմումների ընդունման մասին:
Ցուցահանդեսը կկայանա 2023թ. հունիսի 14-17-ը Ֆրանսիայի Հանրապետության մայրաքաղաք Փարիզում։
Եվրոպայի ամենախոշոր տեխնոլոգիական միջոցառմանը ոլորտային հայկական ընկերությունները հնարավորություն կունենան հանդես գալ «ՀԱՅԱՍՏԱՆ» միասնական տաղավարի ներքո։
Ցուցահանդեսի մասնակցության համար անհրաժեշտ է մինչև մարտի 15-ը լրացնել այս հայտադիմումը։
ՀՀ ԲՏԱ ախարարությունը հոգում է «ՀԱՅԱՍՏԱՆ» միասնական տաղավարի տարածքի վարձակալության, նախագծման, կառուցապատման և մուտքի տոմսերի ծախսերը, ինչպես նաև ապահովում է ներկայացվող ընկերությունների տեղեկատվական արշավը։ Մնացյալ ծախսերը (ավիատոմսեր, կեցություն) հոգում են ընտրված ընկերությունները։
Ցուցահանդեսի թեմատիկ բաժինների, ինչպես նաև միջոցառման մասին առավել մանրամասն տեղեկատվություն կգտնեք այստեղ։
VivaTech-ի կողմից յուրաքանչուր տարի կազմակերպվող մրցույթներին կարող եք հետևել այստեղ։
Հետևե՛ք բոլոր թարմացումներին և How2B-ի նորություններին՝ միանալով How2B-ի Տելեգրամյան ալիքին: