Twitter-ը փոխել է իր տարբերանշանը և այժ կապույտ թռչնի փոխարեն այն պատկերում է հայտնի ինտերնետ մեմ Doge-ին:
Սոցցանցի սեփականատեր Իլոն Մասկը որոշել է նման քայլի գնալ Twitter-ի օգտատերերից մեկի համապատասխան հանձնարարականից հետո։
Սոցցանցի վերին ձախ անկյունում, որտեղ նախկինում գտնվում էր ընկերության կապույտ թռչուն պատկերող լոգոն, այժմ հայտնվել է «Շիբա Ինու» շան պատկերը:
Doge meme-ի և Dogecoin կրիպտոարժույթի խորհրդանշան հայտնի շունը փրկարար շուն է, որը մեմ է դարձել 2010 թվականին:
Լոգոյի փոփոխության հետ մեկտեղ Իլոն Մասկը հրապարակում է արել Twitter-ում, որին կցել է «Chairman» գտատիրոջ հետ նամակագրության սքրինշոթը։ Վերջինս նախորդ տարվա մարտին գործարարին առաջարկել էր գնել Twitter-ը և սոցցանցի տարբերանշանը կապույտ թռչունից փոխել ինտերնետ մեմ Doge-ի։ «Ինչպես խոստացել էր»,- գրել է Մասկը։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
