ԱՄՆ-ի Արդարադատության նախարարությունը ինքնակառավարվող տրանսպորտային միջոցների գործով Տեսլայի նկամամբ հետաքննություն է իրականացնում՝ արժեթղթերի և բանկային փոխանցումների ոլորտում խարդախության համար, գրում է The Verge-ը՝ վկայակոչելով Reuters-ին։
Հետաքննությունը, որի մասին առաջին անգամ հաղորդվել է 2022 թվականի հոկտեմբերին, ներառում է Վաշինգտոնի և Սան Ֆրանցիսկոյի դաշնային դատախազներին, ովքեր ուսումնասիրում են, թե արդյոք Tesla-ի ղեկավարները մոլորեցրել են սպառողներին, ներդրողներին և կարգավորող մարմիններին՝ մեքենայի ինքնավար հնարավորությունների վերաբերյալ անհիմն պնդումներով:
Ինչպես հայտնում է Reuters-ը, հետաքննությունը ուսումնասիրում է, մասնավորապես, Tesla-ի գործադիր տնօրեն Իլոն Մասկի հայտարարությունները: Տարիներ շարունակ Մասկը հայտարարում էր, որ Tesla-ի լիովին ինքնավար մեքենաները շատ շուտով իրականություն կդառնան, միաժամանակ խոստովանելով, որ հաճախ չափազանցված և լավատեսական ժամանակացույցեր է սահմանել այդ մասով:
Հիշեցնենք, որ Tesla-ն բազմիցս թույլ է տվել իր հաճախորդներին փորձարկել իր արտադրանքների բետա տարբերակները, որոնք կարող էին լայնորեն չթողարկվել:
Autopilot օգտագործող Tesla-ի մեքենաները տարիների ընթացքում բազմաթիվ հետկանչերի են և հարյուրավոր վթարների են ենթարկվել, որոնցից տասնյակները մահացու են եղել:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար: