SEO մետրիկաներ․ Ինչպե՞ս հետևել կայքի արդյունավետությանը

- Advertisement -
SEO մետրիկաներ․ Ինչպե՞ս հետևել կայքի արդյունավետությանը

«Եթե չես կարող չափել, չես կարող բարելավել»- Փիթեր Դրաքեր

Հրաշալի է, եթե արդեն օպտիմալացրել եք ձեր կայքը որոնողական համակարգերի համար․ կատարել եք բանալի բառերի ուսումնասիրություն, գրել եք համապատասխան էջեր և կարողացել եք հղումներ բերել դեպի ձեր կայք։ Կարծում եք այդքանը բավակա՞ն է։ Պետք է հիասթափեցնեմ․ իրականում դա միայն սկիզբն է։

SEO-ի առավելությունը մարքեթինգի այլ ճյուղերի նկատմամբ կատարված աշխատանքի արդյունավետությունը և արդյունքները չափելու մեջ է։ SEO-ում գործիքների, չափորոշիչների ու թվերի պակաս չկա։ Երբեմն դրանք այնքան շատ են, որ շփոթմունք են առաջացնում։ Բայց պետք չէ անհանգստանալ․ շարունակեք կարդալ և կիմանաք, թե ինչպես հետևել ձեր վեբ-կայքի առաջխաղացմանը։

SEO մետրիկաներ (չափորոշիչներ)

Թե որ SEO մետրիկաներին պետք է հետևեք, մեծապես կախված է ձեր բիզնես նպատակներից։ Օրինակ՝ եթե կայքի միջոցով վաճառքներ եք իրականացնում, պետք է հետևեք CR-ին (conversion rate) ևCTR-ին (click through rate): Իսկ եթե ցանկանում եք կոնկրետ որևէ բանալի բառի որոնումների արդյունքներում հայտնվել, պետք է հետևեք այդ բառով որոնման արդյունքներում ձեր էջի դիրքին։

Սակայն եթե կայքի արդյունավետությունը ձեր համար կարևոր է, ապա հետևել պետք է միանգամից մի քանի կարևոր ցուցանիշների։ Քանի որ միայն հասկանալով թերի կողմերը կարող եք բարելավել դրանք։

Առանձնացրել եմ մի քանի SEO չափորոշիչներ, որոնց հետևելը պարտադիր պայման է։ Սա այն մինիմալն է, որ պետք է անել համոզվելու համար, որ կայքը օպտիմալիզացված է և լավ է աշխատում։

1․ Բնական այցելություններ (Organic Search Traffic)

Օրգանիկ «տրաֆիկին» հետևելը բացարձակ անհրաժեշտություն է։ SEO-ի ամենաակնառու արդյունքը որոնումների արդյունքում ավելացած այցելությունների քանակն է։

Այցելությունների շարժին հետևելու միակ ճշգրիտ եղանակը Google Analytics-ն է։ Եթե Analytics-ի հետևող կոդը (tracking code) տեղադրված է ձեր կայքում, ապա դուք իրական ժամանակում կարող եք տեսնել, թե քանի հոգի են այդ պահին (կամ ձեր ընտրած ժամանակահատվածում) ձեր կայքում, որ էջում են, քանի րոպե են անցկացրել յուրաքանչյուր էջում։ Կարելի է ժամերով նստել և հետևել այցելությունների աճող թվերին։ 

Մի մոռացեք Google Analytics-ում ֆիլտրել այցելուների քանակը ըստ աղբյուրի (source)․ ընտրեք բնական (organic) տարբերակը։

SEO մետրիկաներ․ Ինչպե՞ս հետևել կայքի արդյունավետությանը

Տարբեր ժամանակահատվածներում տեսնելով կայքի այցելությունների քանակը՝ դուք կհասկանաք ոչ միայն թե շաբաթվա որ օրերին, որ ժամերին է այցելությունների մեծ քանակ, այլև կհասկանաք, թե որ էջերը բարելավման կարիք ունեն։ Իսկ եթե տրաֆիկը անկում է ապրում, ապա պետք է հասկանալ, թե ինչումն է խնդիրը։

2․ Բանալի բառերի դիրքեր (Keyword Rankings)

Կայքի յուրաքանչյուր էջ պետք է կառուցված և գրված լինի ըստ նշանակության։ Դա իրենից ենթադրում է ունենալ հստակ բանալի բառեր։ Իսկ ինչպե՞ս հասկանալ արդյոք տվյալ էջը հայտնվում է ձեր ընտրած բանալի բառի որոնումներում։ 

Էջերի դիրքը բանալի բառերի որոնումներում կարող եք տենսել Google Search Console գործիքի position (դիրք) հատվածում։ Բանալի բառերին հետևել կարող եք նաև շատ այլ գործիքներով, սակայն Google-ի համար ամենահստակը հենց Google գործիքը կիրառելն է։ 

SEO մետրիկաներ․ Ինչպե՞ս հետևել կայքի արդյունավետությանը

Ինչպես յուրաքանչյուր էջի, այնպես էլ բանալի բառերի համար կարող եք հետևել էջի դիրքերին (position)։ Եթե բանալի բառը համապատասխանում է բովանդակությանը, իսկ մարդիկ հետաքրքրված են տվյալ թեմայով, ապա տվյալ բանալի բառով որոնումների արդյունքում էջը աաստիճանաբար ավելի վերև կբարձրանա SERP-ում։

Եթե էջը նոր է գրված, մի սպասեք, որ միանգամից այն կդիրքավորվի Google-ի առաջին էջերում։ Նախ պետք է, որ էջը ինդեքսավորվի, ապա հայտնվի որոնումներում, մարդիկ սկսեն բացել տվյալ էջը․․․  Իսկ եթե արդեն շատ ժամանակ է անցել, իսկ ցանկալի արդյունքներ այդպես էլ չկան, ապա պետք է վերանայել էջի բովանդակությունը և ընտրված բանալի բառերը, գուցե նաև ամբողջ կայքը։

3․ Որոնումներում դիրքավորում (SERP Visibility)

SERP-ը բառացիորեն թարգմանվում է որպես “որոնողական համակարգերում արդյունքների էջ”։ Եթե դուք որոնումների արդյունքում հայտվում եք 2-րդ կամ հաջորդ էջերում, ապա դուք գրեթե անտեսանելի եք։ 

Վերցնենք Google-ը։ Որոնումների առաջին էջում Google-ն ունի 10 տեղ, որից 2-5-ը սովորաբար զբաղեցնում են գովազդները, 1-ը որոնման անմիջական պատասխանն է (SERP Feature կամ 0 դիրք)։ Մնաց 4 տեղ օրգանիկ արդյունքների համար։

Որոնողների 75․1 %-ը սեղմում է որոնման արդյունքների առաջին 3 էջեր։ Սա է պատճառը որ դուք պարբերաբար պետք է հետևեք SERP-ում ձեր դիրքերի շարժին։

Եվ այսպես, որոնումների առաջին էջում հայտնվելու 3 տարբերակ կա․

1․ Գովազդ

2․ Օրգանիկ

3. SERP feature

Եթե առաջինի դեպքում անհրաժեշտ է գումար, երկրորդի դեպքում շատ լավ SEO օպտիմալացված բովանդակություն, ապա երրորդի դեպքում ամեն ինչ մի քիչ բարդ է։

SEO մետրիկաներ․ Ինչպե՞ս հետևել կայքի արդյունավետությանը

Google-ում ամենահաճախ հանդիպող SERP Features-երն են

  • Ակնթարթային պատասխան (Featured Snippet)
  • Տեղական փաթեթ (Local Pack)
  • Կարծիքներ (Reviews)
  • Հղումներ (Sitelinks)
  • Վիդեոներ (Videos)
  • Նկարներ (Images)
  • Ինֆորմացիոն վահանակ (Knowledge Panel)
  • Հարց ու պատասխան (FAQs)
  • Կապված հարցեր (People Also Ask)

Հետևեք, թե որ դիրքերում են ձեր էջերը հայտվում, արդյոք ունենում եք “հարուստ արդյունքներ” (rich snippets): Նաև մրցակիցներին հետևելով՝ կկարողանաք բարելավել ձեր դիրքերը։

4․ Դոմեյնի հեղինակություն (Domain Authority)

SEO գործիքները ունեն կայքը արդյունավետության չափման միավորները։ Ամենահայտնին, թերևս, Moz-ի DA կամ դոմեյնի հեղինակությունն է։ Դոմեյնի հեղինակությունը հաշվարկվում է բազմաթիվ գործոնների գնահատմամբ՝ ներառյալ այլ դոմեյնների հեղինակությունը, որոնք հղում են տվել տվյալ դոմեյնին,  հղումների ընդհանուր քանակը, ինչպես նաև թե ինչպես է կայքը դրսևորում իրեն որոնողական համակարգերում։ Համադրելով այդ ամենը ստանում են DA գնահատականը:

Այս միավորը այնուհետև կարող է օգտագործվել կայքերը համեմատելիս կամ ժամանակի ընթացքում կայքի «դասակարգման ուժը» հետևելիս: 

Domain Authority- ը Google- ի դասակարգման գործոն չէ և ազդեցություն չունի SERP- ների վրա:

Moz-ը DA գնահատման հաշվարկը կատարվում է մեքենայական ուսուցման ալգորիթմի կանխատեսումներից, թե որքան հաճախ է Google-ում այդ դոմեյնը հայտնվում: Եթե ​​A դոմեյնը ավելի հավանական է, որ հայտնվի Google SERP- ում, քան B դոմեյնը, ապա կարելի է հասկանալ, որ A դոմեյնի DA- ն ավելի բարձր լինի, քան B դոմեյնի DA-ը։

SEO մետրիկաներ․ Ինչպե՞ս հետևել կայքի արդյունավետությանը

DA- ն լավագույնս օգտագործվում է որպես համեմատական ​​չափիչ, երբ ուսումնասիրում եք ձեր նպատակային SERP- ի այն կայքերը, որոնք կարող են ունենալ ավելի հզոր հղման պրոֆիլներ, քան դուք՝ ձեր իրական մրցակիցները: Քանի որ չափանիշը հարաբերական է, բացարձակապես «լավ», «միջին» կամ «վատ» դոմեյնի հեղինակային միավոր գոյություն չունի․ կան միայն միավորներ, որոնք «լավ», «միջին» կամ «վատ» են ՝ որոշակի մրցակցային դաշտի համատեքստում:

Դոմենի հեղինակության չափանիշի վրա ազդելու լավագույն միջոցը ձեր կայքի ընդհանուր SEO առողջության բարելավումն է ՝ հատուկ ուշադրություն դարձնելով դեպի ձեր կայքի տանող արտաքին հղումների որակին և քանակին:

5․ Կայքի արագությունը (Page Speed)

Աշխարհը դառնում է ավելի ու ավելի թվային, և մարդկանց ուշադրությունը կարծես թե նվազում է: Մենք չեն ցանկանում սպասել  մեր ուզածը ստանալու համար, և բիզնեսը հաճախ պետք է համակերպվի այդ պահանջների հետ: Սա հաշվի առնելով՝ էջերի արագությունը ևս կարևոր ցուցանիշ է կայքի ընդհանուր արդյունավետության գնահատման համար։ 

Վեբ էջերի բեռնման արագությունը կարող է մեծապես ազդել բիզնեսի հիմնական գծի վրա: Եթե էջը դանդաղ բեռնվի, շատ մարդիկ չեն սպասի և կգնան մեկ այլ էջ: Դա կարող է նշանակել ձեր կայքի տրաֆիկի կորուստ, որը կարող է բերել նաև եկամտի կորստի: Ձեր կոնվերսիայի գործակիցը (conversion rates) կարող է տուժել, իսկ bounce rates-ը՝ այն մարդկանց թիվը, ովքեր լքում են ձեր կայքը միայն մեկ էջ այցելելուց հետո, կարող է աճել: Դանդաղ բեռնվող էջը կարող է նաև կործանարար ազդեցություն ունենալ որոնողական համակարգերում ձեր կայքի օպտիմիզացման վրա, քանի որ Google- ն օգտագործում է էջի արագությունը՝ որպես էջերի դասակարգման որոշիչ գործոն:

Նախ պարզեք, թե որքան արագ են բեռնվում ձեր էջերը: Դա կարող եք անել Google-ի  անվճար PageSpeed Insights գործիքով:

SEO մետրիկաներ․ Ինչպե՞ս հետևել կայքի արդյունավետությանը

Այն ցույց կտա ձեր էջի արագությունը համակարգչով և բջջայինով, նաև ցույց կտա կոնկրետ խնդիրները, ինչի պատճառով էջը դանդաղ է բեռնվում: Անհրաժեշտության դեպքում փոքրացրեք նկարները կամ փոխեք ֆորմատը, օգտագործեք էջերի արխիվացում, փոքրացրեք կոդի չափերը և ստուգեք, թե ինչպես այն կազդի ձեր կայքի վրա։

SEO մետրիկաներ․ Ինչպե՞ս հետևել կայքի արդյունավետությանը
SEO մետրիկաներ․ Ինչպե՞ս հետևել կայքի արդյունավետությանը

Ուսումնասիրությունները ցույց են տվել, որ էջի արագ արագությունը հանգեցնում է ավելի լավ կոնվերսիայի գործակցի: Այլ կերպ ասած, որքան արագ է բեռնում կայքը, այնքան ավելի հավանական է, որ օգտվողը կկատարի նպատակային գործողությունն այդ կայքում:

6․ Կոնվերսիայի գործակից (Conversion Rate)

Ձեր կոնվերսիայի գործակիցը ձեր կայքի այցելուների տոկոսն է, որը կատարում է նախատեսված գործողությունը (կոնվերսիա) այցելուների ընդհանուր թվից: Փոխակերպման բարձր ցուցանիշը վկայում է հաջող մարքեթինգի և վեբ դիզայնի մասին։ Դա նշանակում է, որ մարդիկ ցանկանում են այն, ինչ դուք առաջարկում եք, և նրանք հեշտությամբ կարողանում են այն ստանալ:

Ձեր կոնվերսիայի տոկոսի բարձրացումը նշանակում է, որ ձեր կայքի տրաֆիկի մեծ մասը վերածվում է նշանակալից գործողությունների, որոնք զարգացնում են ձեր բիզնեսը, անկախ նրանից` դա նշանակում է լրացնել ձևաթուղթ թե դառնալ լիդ (օրինակ` վերանորոգման ծառայության համար գնային առաջարկի հարցում անել) կամ գնում կատարել:

Փոխակերպման ցածր տոկոսը կարող է մատնանշել այս խնդիրներից որևէ մեկը.

  • Ձեր կայքի և լենդինգ էջի ձևավորումը դժվարացնում կամ անարդյունավետ է դարձնում նպատակային գործողությունների կատարումը։
  • Ձեր առաջարկը ակտուալ չէ (չափազանց թանկ կամ ոչ այնքան արժեքավոր է ձեր լսարանի համար)

Ձեր կոնվերսիայի գործակիցը բարելավելու ամենալավ միջոցը ձեր առաջարկը փոխելն է: Եթե այն, ինչ առաջարկում եք, իսկապես անհրաժեշտ է, ձեր կայք այցելող ավելի շատ մարդիկ կցանկանան այն ստանալ:

Երբ համոզվեք, որ ձեր առաջարկը ճիշտ է ձեր լսարանի համար, կարող եք լրացուցիչ փոփոխություններ կատարել ձեր փոխակերպման մակարդակի վրա ՝ օպտիմալացնելով ձեր կայքը: Համոզվեք որ լենդինգ էջում ունեք հստակ CTA-ներ, մարդիկ տեսնում են ձեր հեռախոսահամարը կամ կապի այլ միջոցները, էջը նաև լավ է բացվում բջջայիններում։

7. CTR (Click Through Rate)

Ձեր կայքի CTR-ը կամ սեղմումների մակարդակը ցույց է տալիս որոնողների տոկոսը, ովքեր այցելում են ձեր կայք՝ որոնման արդյունքներում ձեր էջերից մեկը տեսնելուց հետո:

Օրինակ, եթե տասը տարբեր օգտվողներ տեսնեն ձեր էջերից մեկը, որը Google-ի արդյունքների մեջ դասվում է որոշակի բանալի բառի համար, բայց նրանցից միայն մեկն է կտտացրել և այցելել ձեր կայքը, ձեր CTR- ն կկազմի 10%:

CTR-ը կարող եք ստուգել Google Search Console գործիքով։

SEO մետրիկաներ․ Ինչպե՞ս հետևել կայքի արդյունավետությանը

Այս չափանիշը լավագույն ցուցանիշներից մեկն է այն բանի, թե որքանով են ձեր էջերը արդյունավետ որոնման արդյունքներում գրավում օգտվողների ուշադրությունը: Դա նաև ցույց է տալիս ձեր կայքի վերնագրերի, բանալի բառերի և մետա նկարագրությունների որակը: Ի վերջո, երբ ձեր էջերից մեկը հայտնվում է որոնման մեջ, սրանք այն տարրերն են, որոնք երևում են, և դրանցով են որոնողները որոշում, թե արդյոք նրանք ցանկանում են այցելել այդ էջը:

Այսպիսով, եթե CTR-ը չի ավելանում, կամ իջնում է, դուք կարող եք հասկանալ, որ աշխատանք ունեք անելու:

Որո՞նք են SEO- ի ամենակարևոր ցուցանիշները ձեր բիզնեսի համար

SEO tracking-ը կամ ձեր կայքի արդյուանվետությանը հետևելը SEO օպտիմալացման գործընթացի էական մասն է: Այն նաև ձեր բիզնեսի օնլայն պատկերն է։

SEO մետրիկաների միջոցով կարող եք գնահատել, թե արդյոք ձեր ռազմավարությունն աշխատում է, ինչպիսի արդյունքների եք հասնում և որտեղ կարող եք բարելավել:

Եթե դեռ չեք հետևում ձեր կայքի օրգանիկ տրաֆիկին, CTR- ին կամ բանալի բառերի դիրքերին, ապա ճիշտ ժամանակն է սկսել:

Բարեբախտաբար, SEO մետրիկաները ստուգելու և հետևելու շատ գործիքներ կան, ինպես օրինակ Google Analytics-ը և Search Console-ը, որը այդ գործընթացը էականորեն հեշտացնում է:

Այսպիսով, եթե պատրաստ եք ավելի ճշգրիտ պատկերացում կազմել, թե ինչպես են ձեր SEO ջանքերն ազդում ձեր բիզնեսի վրա, և սկսեք հետևել ցուցանիշներին ամսական կամ շաբաթական կտրվածքով։

spot_imgspot_img
spot_imgspot_img
Կարդացե՛ք նաև
SEO մետրիկաներ․ Ինչպե՞ս հետևել կայքի արդյունավետությանը

Վերջին նորությունները

SEO մետրիկաներ․ Ինչպե՞ս հետևել կայքի արդյունավետությանը
Տաթևիկ Իսկաջյան
Ես Տաթևիկն եմ՝ How2B-ում SEO հոդվածների շարքի հեղինակը։ Թվային մարքեթինգում եմ արդեն մի քանի տարի։ Գտեք իմ պորտֆոլիոն Google-ի թոփ 5-ում