Բարձր տեխնոլոգիական արդյունաբերության նախարարությունը հայտարարել է Ռոբոտների հաքաթոնին մասնակցության հայտերի ընդունման մեկնարկի մասին՝ հրավիրելով կրթական և տեխնոլոգիական թիմերին ներկայացնել իրենց լուծումները։
Հաքաթոնը կանցկացվի մարտի 17-19-ը։ Մասնակցել կարող են 15 և բարձր տարիքի այն անձինք, որոնք հետաքրքրված են կամ փորձ ունեն ռոբոտաշինության, ծրագրավորման, ինժեներական լուծումների, էլեկտրոնիկայի և մեխատրոնիկայի ոլորտներում։
Հայտերի ընդունման վերջնաժամկետը մարտի 2-ն է՝ ժամը 18-ը։ Մասնակցության համար անհրաժեշտ է գրանցվել։
Հաքաթոնի կանոնակարգին և մասնակցության մանրամասները՝ այստեղ։
Կազմակերպիչների գնահատմամբ՝ հաքաթոնը հնարավորություն է մասնակիցների համար ներկայացնելու նորարարական գաղափարներ, համագործակցելու ոլորտի մասնագետների հետ և մրցելու լավագույն լուծումների շարքում։ Հարցերի դեպքում հնարավոր է կապ հաստատել [email protected] էլեկտրոնային հասցեով կամ 041 878878 հեռախոսահամարով։
