Հայկական Picsart ընկերությունը հայտարարել է, որ համագործակցում է Getty Images-ի հետ՝ մշակելու հատուկ մոդել՝ AI պատկերները իր 150 միլիոն օգտատերերին ներկայացնելու համար, գրում է Techcrunch-ը։
Ընկերությունն ասում է, որ մոդելը պատասխանատու AI պատկերներ կառաջարկի իր օգտատերերին։
Մոդելը կկառուցվի զրոյից՝ բացառապես Getty Images-ի լիցենզավորված ստեղծագործ բովանդակության վրա:
Ընկերությունը նշում է, որ համագործակցությունը Picsart-ի բաժանորդներին հնարավորություն կտա ստեղծել իրենց յուրահատուկ պատկերները՝ ունենալով ամբողջական կոմերցիոն իրավունքներ:
Օգտատերերը կկարողանան օգտագործել Picsart-ի խմբագրման ցանկացած գործիք՝ ակտիվները ավելացնելու կամ հարմարեցնելու համար:
Techcrunch-ը գրում է, որ ստեղծելով բացառապես լիցենզավորված բովանդակության վրա կառուցված սեփական մոդելը՝ Picsart-ը նախատեսում է իր օգտատերերին հասանելիություն տալ AI-ի անվտանգ ստեղծագործ գործիքներին այն ժամանակ, երբ աշխարհում մտահոգություններ կան AI-ի կողմից ստեղծված պատկերների և հեղինակային իրավունքի հետ կապված խնդիրների վերաբերյալ:
Picsart’s AI PAIR լաբորատորիան կառուցում է մոդելը: Թիմը մոդելը հասանելի կդարձնի ընկերության սեփական API ծառայությունների միջոցով:
«Picsart-ն առաջարկում է անվերջ հարմարեցման, բովանդակության և խմբագրման գործիքներ ամեն ինչի համար՝ սոցիալական մեդիայի գովազդից մինչև վեբ կայքերի գրաֆիկա, և այս համագործակցությունը AI-ի ստեղծած պատկերները կոմերցիոն օգտագործման հնարավորություն կտա», – ասել է Picsart-ի գործադիր տնօրեն և հիմնադիր Հովհաննես Ավոյանը։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
