ՀՀ Կենտրոնական բանկը հանդես է եկել պաշտոնական հայտարարությամբ՝ կանխելու զեղծարարություններն ու քաղաքացիների հնարավոր ֆինանսական կորուստները։ ԿԲ-ն հրապարակել է այն անձանց և կազմակերպությունների ցանկը, որոնք, չունենալով ԿԲ համապատասխան լիցենզիա, հանդես են գալիս տարբեր ֆինանսական ծառայություններ մատուցելու առաջարկներով։
Հայաստանի Հանրապետության օրենսդրության համաձայն՝ ֆինանսական գործունեություն իրականացնելու իրավունք ունեն բացառապես Կենտրոնական բանկի կողմից լիցենզավորված կազմակերպությունները։ Ֆինանսական կորուստներից խուսափելու համար քաղաքացիներին հորդորում ենք օգտվել միայն պաշտոնական գրանցում ունեցող կառույցներից, որոնց ամբողջական ցանկն ու կոնտակտային տվյալները հասանելի են ԿԲ պաշտոնական կայքում (www.cba.am)՝ «Լիցենզավորված ֆինանսական կազմակերպություններ» ենթաբաժնում։
Միաժամանակ, Կենտրոնական բանկը կոչ է անում քաղաքացիներին լինել զգոն և չլիցենզավորված կազմակերպությունների կամ կասկածելի առաջարկների վերաբերյալ տեղեկատվություն հայտնաբերելու դեպքում անհապաղ տեղեկացնել Կենտրոնական բանկին՝ պաշտոնական հաղորդակցման միջոցներով։
ՀՀ կենտրոնական բանկի կողմից հայտնի դարձած անձանց ցանկը, որոնք առանց Կենտրոնական բանկի համապատասխան լիցենզիայի հանդես են եկել ֆինանսական ծառայությունների հրապարակային առաջարկով՝ կգտնեք այստեղ։
