2000 գրանցում՝ 1000 տեղի համար. Ինչ է սպասվում Buissup կոնֆերանսին

Վերջին լուրերը
2000 գրանցում՝ 1000 տեղի համար. Ինչ է սպասվում Buissup կոնֆերանսին
Նանէ Հայրապետյան
Բազմաթիվ ինչուների պատասխանի հետևից գնալու համար, նախ ընտրեցի ԵՊՀ ժուռնալիստիկայի ֆակուլտետի ճանապարհը, հետո քաղաքական ինչուները տարան Պետական Կառավարման Ակադեմիա ու ստացա քաղաքագիտության մագիստրոսի կոչում: Բարև Ձեզ, ես Նանէ Հայրապետյանն եմ, այս հարթակում պատմում եմ ՏՏ-ի, բիզնեսի և ինովացիաների մասին: Եթե ունեք հարցեր կամ թեմաներ, որոնց կուզեք որ անդրադառնանք, գրեք ինձ հետևյալ հարթակններում:

Մեր նպատակը շատ պարզ է՝ օգնել երիտասարդ ու ապագա գործարարներին իրանակացնել նրանց բիզնես ծրագրերը և որպես վերջնանպատակ գտնել ներդրողների, ասում է «Հայ Գործարարների Ասոցիացիա»-ի հայաստանյան գրասենյակի տնօրեն Համլետ Ասատրյանը:

Հունիսի 11-ին Երևանում տեղի կունենա Buissup կոնֆերանսը, որը կանցնի Business: Next Station խորագրի ներքո կհամախմբի բիզնեսում նորարարություններով հետաքրքրված հազարից ավելի երիտասարդի:

- Advertisement -
2000 գրանցում՝ 1000 տեղի համար. Ինչ է սպասվում Buissup կոնֆերանսին

«Buissup-ի  ծրագրերը  մեկնարկելու ենք հունիսի 11-ին կայանալիք կոնֆերանսով. դրանք նվիրված են երիտասարդ, բիզնես մտածելակերպով օժտված ներկա և ապագա գործարարներին: Buissup կոնֆերանսին մասնակցելու համար այս պահին դիմել է 2000 երիտասարդ, բայց, ցավոք, տեղերը սահմանափակ են՝ 1100-ն են: Գրանցման հայտադիմումի մեջ նշված է հետևյալ հարցը՝ ինչպես եք պատկերացնում բիզնեսն ապագայում.  ըստ պատասխանների ընտրելու ենք մասնակիցներին և հրավեր ուղարկենք»,- ասաց Համլետ Ասատրյանը:

Նրա խոսքով, այս տարվա Buissup կոնֆերանսը մասշտաբներով ավելի մեծ է: Օրինակ՝ 2021-ի կոնֆերանսը 700 մասնակից ուներ, այս տարի 1100-ն են նախատեսված։ 8 բանախոսի անուններն էլ արդեն հայտնի են: Նրանք բիզնեսի լեզվով ներկայացնելու են այն ինովացիաները, որոնք վերաբերում են ապագային: Խոսնակների թեմաների դասավորվածությունն այնպիսին է, որպեսզի սկբից մինչև վերջ լսելով, մասնակիցը պատկերացնի, թե ինչպիսի զարգացումներ է ունենալու բիզնեսն առաջիկայում:


«Մենք խոսելու ենք ինովացիաներից, որոնք սկզբում բարդ կթվան՝ կիբերանվտանգություն, արհեստական բանականություն, ավտոմատացված ուսուցում, ինչպես է այդ ամենը կիրառվում, ինչու է դա անհրաժեշտ և ինպես է ավելացնելու բիզնեսի էֆեկտիվությունը»,- ասաց Համլետ Ասատրյանը:

2000 գրանցում՝ 1000 տեղի համար. Ինչ է սպասվում Buissup կոնֆերանսին
Buissup-ին հանդես եկող բանախոսները

Հաջորդ միջոցառումը՝ Buissup Hackathon-ը, տեղի կունենա միաժամանակ Հայաստանի չորս քաղաքում՝ հուլիսի 9-10-ը, իսկ սեպտեմբերի 5-11-ը Դիլիջանում կկայանա երկրի ամենամեծ երիտասարդական բիզնես ֆորումը՝ Buissup Global Forum-ը:

Buissup Global Forum-ի ընթացքում ընտրված 9 ստարտափն «Հայ գործարարների ասոցիացիա»-ի կողմից կազմակերպված Armenian Business Forum-ի ընթացքում գտան իրենց ներդրողներին՝ ընդհանուր առմամբ 1 միլիոն դոլարից ավելի ներդրում է արվել: Ընտրված ծրագրերն այս պահին ակտիվ առաջ են շարժվում և զարգանում: 

«Գաղափարի փուլում գտնվող ծրագրերն արդեն ամբողջականացվել են ու դուրս եկել շուկա: Ունեինք նաև գործող նախագծեր, որոնք նույնպես զարգացել են՝ ավելացել են արտադրական հնարավորությունները, ձեռք են բերվել պայմանավորվածություններ՝ նոր շուկաներ ներգրավելու համար, ինչպիսիք են, օրինակ, ԱՄՆ-ն, ՌԴ-ն և այլն»,- եզրափակեց Համլետ Ասատրյանը:

նախորդ տարվա ներդրումային ծրագրերին կարող եք ծանոթանալ այստեղ:

Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։

Կարդացե՛ք նաև
Կարդացե՛ք նաև
Ամենաընթերցվածները