Առանց ծրագրավորման գիտելիքների վեբ-կայքեր պատրաստող հայկական Softr ստարտափը գործարկել է mobile տարբերակ, որը Product Hunt հարթակում է։
Այժմ հնարավոր է Softr-ով ստեղծած վեբ հավելվածները մեկ կոճակի սեղմումով վերածել լիարժեք գործառնություններով բջջային հավելվածի, որն անմիջապես հասանելի կլինի iOS և Android սարքերում՝ առանց լրացուցիչ ջանքերի։
Softr Mobile-ի օգտին քվեարկել կարող եք այստեղ։
Softr-ը հարթակ է, որի միջոցով կարելի է շատ կարճ ժամանակում և առանց ծրագրավորման գիտելիքների ու կոդ գրելու ստեղծել լիարժեք կայքեր և վեբ հավելվածներ՝ որպես տվյալների բազա օգտագործելով Airtable պլատֆորմը:
Հիշեցնենք, որ տարվա սկզբին Softr-ը նվաճել էր Golden Kitty Awards 2021 մրցանակաբաշխության գլխավոր՝ «Տարվա լավագույն արտադրանք» մրցանակը։
ProductHunt-ը հարթակ է, որը հնարավորություն է տալիս հասարակ մարդկանց գտնել նոր ու հետաքրքիր տեխնոարտադրանք, որը այս կամ այն ոլորտում կհեշտացնի կյանքը կամ էլ ավելի արդյունավետ կդարձնի աշխատանքը։ Տեխնոկրատներին էլ հնարավորություն է տալիս իրենց արտադրանքը տեսանելի դարձնել օր օրի մեծացող լայն հանրության համար, հետաքրքիր առաջարկներ, գաղափարներ ու քննադատություններ ստանալ։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
