Խնայե՛ք ձեր ժամանակը և կատարե՛ք ամսական աշխատավարձերի հաշվարկը արագ ու անսխալ տարբերակով՝ աշխատավարձի հաշվիչով։
Մուտքագրե՛ք «մաքուր» աշխատավարձը և մեր հաշվիչը նույն վայրկյանին ցույց կտա ձեր «գրանցված» (կեղտոտ) աշխտավարձը (և հակառակը), եկամտային հարկը, սոցիալական և դրոշմանիշային վճարները։
Աշխատավարձի հաշվիչը թարմացված է՝ համաձայն 2023 թվականից հետո գործող օրենսդրության։
Համեմատելու համար կարող եք հաշվել աշխատավարձը 2021, 2022 թվականների և մինչև 2023 թվականի հուլիսի 1-ի հաշվարկներով։
Ինչպե՞ս է աշխատում աշխատավարձի հաշվիչը
2023 թվականին մաքուր աշխատավարձը ստանալու համար պետք է գրանցված աշխատավարձից հանել եկամտային հարկը, սոց․ վճարը, դրոշմանիշային վճարը։
Պետք է հաշվի առնել․
- Արդյո՞ք աշխատողը մասնակցում է պարտադիր կուտակային կենսաթոշակային համակարգին:
- Միկրոձեռնարկատե՞ր եք, թե՞ ոչ:
- Արդյո՞ք աշխատում եք ՏՏ ոլորտի հարկային արտոնություններից օգտվող ընկերությունում։
Մեր աշխատավարձի հաշվիչը հնարավորություն է տալիս նշել բոլոր տարբերակները՝ արդյունքում ստանալով ճշգրիտ արդյունք։
Սոց․ վճարի և եկամտային հարկի հաշվարկը 2023 թ․-ին
Եկամտային հարկի դրույքաչափը 2022 թվականի հունվարի 1-ից կազմել է 21%, իսկ 2023 թվականի հունվարի 1-ից այն կազմում է 20%։
Սոցիալական վճարները սոցիալական ապահովագրության բյուջե վճարվող պարտադիր վճարներ են, որոնց հավաքագրված գումարները պետության կողմից ուղղվում են կենսաթոշակների, գործազրկության և ապահովագրական նպաստների վճարմանը:
Սոցիալական վճարներ են կատարում`
- Պետությունը,
- Վարձու աշխատողները,
- Անհատ ձեռնարկատերերը և նոտարները։
2023 թվականի հունվարի 1-ից սոցիալական վճարները հաշվարկվում են ամսական մինչև 1.125.000 դրամ եկամտից (նվազագույն՝ 75.000 դրամ աշխատավարձի 15-պատիկ): Աշխատավարձի հաշվիչը թարմացված է նշված փոփոխությամբ։
Սոցիալական վճարի դրույքաչափը կազմում է․
- մինչև 500․000 աշխատավարձի դեպքում՝ 5%,
- 500․000 դրամից ավելի դեպքում՝ Աշխատավարձի 10% — 25.000 դրամ:
- 1.125.000-ից ավելի ստացողների համար՝ 87․500 դրամ կամ որ նույնն է՝ (1.125.000 x 10%) — 25.000 դրամ։
Պարտադիր կուտակային կենսաթոշակային վճար
Պարտադիր կուտակային կենսաթոշակային համակարգին պարտադիր մասնակցություն պետք է ունենան այն մարդիկ, որոնք ծնվել են 1974 թվականին և դրանից հետո, իսկ կամավոր մասնակցություն՝ մինչև 1974 թվականի ծնվածները։
Աշխատավարձի հաշվիչից օգտվելիս նշեք՝ արդյոք մասնակցում եք պարտադիր կուտակային կենսաթոշակային համակարգին։
Դրոշմանիշային վճարի դրույքաչափերը
Զինծառայողների ապահովագրության հիմնադրամի դրոշմանիշային վճարները գանձվում են հետևյալ սանդղակով.
աշխատավարձի հաշվիչ
| Մինչև 100 000 դրամ հաշվարկման բազայի դեպքում | 1500 դրամ |
| 100 001-ից մինչև 200 000 դրամ հաշվարկման բազայի դեպքում | 3000 դրամ |
| 200 001-ից մինչև 500 000 դրամ հաշվարկման բազայի դեպքում | 5500 դրամ |
| 500 001-ից մինչև 1 000 000 դրամ հաշվարկման բազայի դեպքում | 8500 դրամ |
| 1 000 001 դրամ և ավելի հաշվարկման բազայի դեպքում | 15 000 դրամ |
Է՞լ ինչ կարդալ՝
- 13-րդ աշխատավարձ՝ առասպե՞լ, թե՞ իրականություն. Ինչպե՞ս այն ճիշտ կիրառել որպես աշխատակիցների խրախուսման գործիք
- Ինչպե՞ս սկսել բիզնես Հայաստանում․ ուղեցույց Team2B-ից
- Քայլտեք. Ինչպե՞ս են տեխնոլոգիաներն օգնում վերականգնել առողջությունը #How2StartUp
