Ինչպե՞ս ընտրություն կատարել տարբեր ընկերությունների բաժնետոմսերի միջև, ի՞նչ տվյալներ ու տեղեկատվություն հաշվի առնել՝ որոշում կայացնելուց առաջ: Այս ամենի մեջ չխճճվելու համար «Ֆինանսական գրագիտություն» շարքի 30-րդ տեսանյութում ներկայացնում ենք Գրեհեմի մեթոդը:
Այս մեթոդը, որն օգտագործել է Բենջամին Գրեհեմը, ունի մի քանի պարզ սկզբունք՝
- Կարևոր է ընկերության չափը, նախընտրելի է ներդնել մեծ ընկերություններում
- Ընկերությունը պետք է ունենա երկու անգամ ավել ակտիվ, քան պարտքեր և վարկեր,
- Վերջին տարիներին պետք է լինի շահութաբեր և չունենա էական վնասներ,
- Ունենա հստակ շահաբաժնային քաղաքականություն, համաձայն որի պարբերաբար վճարում է դիվիդենտներ:
- Պակաս կարևոր չէ բաժնետոմսի արժեքը, որը պետք է լինի գրավիչ:
Եթե ընկերությունը բավարարում է այս բոլոր պայմաններին, սակայն բաժնետոմսի գինը բարձր է, այսինքն վճարված գումարը դիվիդենտի տեսքով շատ ուշ եք հետ ստանալու, Գրեհեմը խորհուրդ է տալիս չգնել:
Այս մեթոդը թեպետ հին է, սակայն իր ակտուալությունը չի կորցրել, ու շատ հարմար է սկսնակ ներդրողների համար: Իսկ եթե ցանկանում եք սկսել Ձեր ճանապարհը ներդրումների աշխարհում, կարող եք օգտվել մեր գործընկեր Freedom Broker Armenia-ի ծառայություններից:
«Ֆինանսական գրագիտություն» շարքի նախորդ թողարկումները
- Ինչպե՞ս ձեռք բերել արտասահմանյան ընկերությունների արժեթղթեր
- Ինչպե՞ս ունենալ տարեկան 1 NIKE անվճար
- Ի՞նչ նվիրել ընկերոջը՝ հայտնի ընկերության բաժնետոմս
- Ինչպե՞ս խուսափել ֆինանսական խարդախություններից
- ETF-ներ. Ինչպե՞ս մեկ քայլով կազմել եկամտաբեր և դիվերսիֆիկացված պորտֆել
Ֆինանսները կառավարելու կանոններին, գրագետ խնայելու եղանակներին, ինչպես նաև արդյունավետ ու անվտանգ ներդրումների հնարավորություններին ծանոթացե՛ք How2B-ի «Ֆինանսական գրագիտություն» շարքում՝Freedom Broker Armenia-ի հետ:
