Ի՞նչ սմարթֆոն է օգտագործում աշխարհի ամենաթանկարժեք ընկերություններից մեկի՝ Google-ի ղեկավարը, որն արտադրում է իր սեփական հեռախոսները։ Եթե պատասխանեք Pixel, ապա կսխալվեք, քանի որ այն կլինի սմարթֆոնների ամբողջ հավաքածուից միայն մեկը։
Վերջերս Google-ի գործադիր տնօրեն Սունդար Պիչային հարցազրույցի ժամանակ հարցրել են իր անձնական սմարթֆոնի մասին։ Այս հարցին նա անսպասելի պատասխան է տվել. նա միաժամանակ օգտագործում է ավելի քան 20 տարբեր սմարթֆոններ, ի դեպ՝ դրանք բոլորը նա օգտագործում է ամեն օր, հայտնում է India Today-ը։
Պիչայի խոսքով՝ որպես Google-ի ղեկավար՝ ինքը պետք է վստահ լինի, որ ընկերության արտադրանքը լավ է աշխատում տարբեր սարքերի վրա։ Նա չի հստակեցրել, թե որ մոդելներն են իր տրամադրության տակ, սակայն տրամաբանական է ենթադրել, որ հավաքածուն պարունակում է ամենաբարձրակարգ շարժական սարքերը, այդ թվում՝ Apple-ի, Samsung-ի, Xiaomi-ի և, իհարկե, Google Pixel-ի առաջատար մոդելները: Հնարավոր է, որ այդ սարքերի թվում կան նաև ճկուն էկրանով սմարթֆոններ։
Պիչայը նաև կիսվել է, որ հազվադեպ է փոխում գաղտնաբառերը. առաջնորդն ավելի շատ վստահում է երկգործոն նույնականացմանը, թեև ինքն է պնդում, որ մարդիկ ավելի շատ պատասխանատվություն ստանձնեն իրենց կիբերանվտանգության համար: Սունդարը նաև խոստովանել է, որ չի միացնում ծնողական հսկողություն երեխաների սմարթֆոնների վրա. Պիչայը խրախուսում է երեխաներին, երբ նրանք իրենք են որոշում ավելի քիչ ժամանակ անցկացնել էկրանին:
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
