Google-ը մշակել է SynthID գործիքը, որը թույլ է տալիս մարդու աչքին անտեսանելի ջրանիշեր (watermark) կիրառել նեյրոնային ցանցի կողմից ստեղծված պատկերների վրա: Այս մասին գրում է The Verge-ը՝ հղում կատարելով Google DeepMind-ի գործադիր տնօրեն Դեմիս Հասաբիսին։
Նեյրոնային ցանցի կողմից ստեղծված պատկերները տարբերակելու գործիքը անտեսանելի կլինի մարդկանց համար, սակայն այն կարող է հայտնաբերվել հատուկ AI գործիքների միջոցով: Google-ը նոր արտադրանքն արդեն հասցրել է ներկայացնել Google Cloud Next համաժողովում։
SynthID-ը կներառվի պատկերի մեջ՝ առանց այն փոփոխելու և չի կարող խմբագրվել՝ ջրանիշը հեռացնելու համար:
Առաջին փուլում SynthID-ը կներդրվի Google-ի ծառայություններում՝ ամպ, պատկերների գեներատոր:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
