Google-ի համահիմնադիր Լարի Փեյջը ստեղծում է նոր ընկերություն՝ Dynatomics, որը կենտրոնացած է արհեստական բանականության՝ արտադրական գործընթացներում կիրառման վրա, հայտնում է The Information-ը։
Ասվում է, որ Փեյջը մի խումբ ինժեներների հետ աշխատում է AI-ի վրա, որը կարող է ստեղծել «բարձր օպտիմիզացված» դիզայններ տարբեր առարկաների համար, որոնք հետագայում կարտադրեն գործարանները։ Նախագծի ղեկավարը Քրիս Անդերսոնն է, ով նախկինում եղել է Kittyhawk էլեկտրական ինքնաթիռների ստարտափի տեխնիկական տնօրենը, որն էլ իր հերթին ֆինանսավորվել է Փեյջի կողմից։
Փեյջը միակ գործարարը չէ, ով հետազոտում է AI-ի կիրառման հնարավորությունները արտադրության մեջ։ Orbital Materials ընկերությունը մշակել է արհեստական բանականության հարթակ, որը կարող է հայտնաբերել նոր նյութեր՝ սկսած մարտկոցներից մինչև ածխաթթու գազը որսացող բջիջներ։ PhysicsX ընկերությունն առաջարկում է գործիքներ, որոնք թույլ են տալիս ինժեներներին իրականացնել ավտոմոբիլային, ավիացիոն և նյութագիտության ոլորտներում անհրաժեշտ մոդելավորումներ։
