Formula VC վենչուրային ֆոնդը հայտարարել է 10Web ստարտափում 250 հազար դոլարի չափով ներդրում կատարելու մասին։
Formula VC-ն ընդհանուր առմամբ 2,2 միլիոն դոլարի ներդրում է կատարել հայկական ստարտափներում։ Սա վենչուրային ֆոնդի պորտֆոլիոյում թվով 13-րդ ստարտափն է։
Ավելի վաղ 10Web-ը հայտարարել էր WordPress-ի համար AI օգնական գործարկելու մասին։ Նոր գործիքի օգնությամբ հնարավոր է WordPress-ում SEO-ի համար բովանդակություն ստեղծել եւ շտկումներ կատարել:
«Մեզ համար կարևոր է աջակցել աճի պոտենցիալ ունեցող թիմերին։ Վստահ ենք, որ 10Web-ի հաջողությունների մասին դեռ շատ կլսենք»,- նշել է Formula VC-ի համահիմնադիր, գործընկեր Կարեն Վարդանյանը։
10Web-ը հիմնադրվել է 2017 թվականին։ Այն արհեստական բանականության օգնությամբ ավտոմատացնում է վեբ կայքերի ստեղծումը, հոսթինգը և արագության օպտիմիզացիայի աշխատանքները։
Հետևե՛ք բոլոր թարմացումներին և How2B-ի նորություններին՝ միանալով How2B-ի Տելեգրամյան ալիքին:
