Solana Armenia Meetup
Հուլիսի 25-ին ISTC Foundation-ում կանցկացվի Solana համայնքի հերթական MeetUp-ը՝ համախմբելով Web3 ոլորտով հետաքրքրվող մասնագետներին, ծրագրավորողներին, նախագծեր ստեղծողներին և ոլորտի նորեկներին։
Միջոցառման ընթացքում նախատեսվում են մի շարք կարճ ելույթներ, որոնց ընթացքում մասնակիցները կծանոթանան ոլորտային թեմաների և համայնքի անդամների աշխատանքներին։ Ելույթներից հետո նախատեսված է ազատ շփման հատված՝ հարցերի, քննարկման, գաղափարների փոխանակման և նոր կապերի ստեղծման համար։
Կազմակերպիչների խոսքով՝ հանդիպման ձևաչափը նախատեսված է այնպես, որ հիմնական ուշադրությունը կենտրոնանա ոչ միայն ելույթների, այլև մասնակիցների միջև անմիջական հաղորդակցության վրա։
Խոսնակների ամբողջական ցանկը կհայտարարվի առաջիկայում։
Միջոցառումը նախատեսված է ինչպես նրանց համար, ովքեր արդեն աշխատում են Web3 ոլորտում կամ զարգացնում են սեփական նախագծերը, այնպես էլ նրանց, ովքեր նոր են ծանոթանում Solana էկոհամակարգին։
Solana-ն բլոկչեյն տեխնոլոգիայի վրա հիմնված հարթակ է, որը թույլ է տալիս ծրագրավորողներին ստեղծել տարբեր թվային ծառայություններ ու հավելվածներ՝ առանց կենտրոնական կառույցի վերահսկողության։ Այն հատկապես հայտնի է իր բարձր արագությամբ և ցածր գործարքային ծախսերով։ Solana-ի վրա հնարավոր է ստեղծել, օրինակ, ֆինանսական հավելվածներ, թվային ակտիվների հետ կապված ծառայություններ և այլ Web3 նախագծեր։
Միջոցառումը հնարավորություն կտա ծանոթանալ Հայաստանի Web3 համայնքի ակտիվ անդամներին, քննարկել նոր գաղափարներ և հասկանալ, թե ինչ նախագծերի վրա են աշխատում տեղական բիլդերները։
