SpaceX ու Tesla ընկերությունների հիմնադիր Իլոն Մասկը որոշել է չմիանալ Twitter-ի տնօրենների խորհրդին, բայց կմնա ընկերության ամենախոշոր բաժնետերը։ Այս մասին հայտնել է սոցցանցի գործադիր տնօրեն Պարագ Ագրավալը։
«Մենք համոզված էինք, որ Իլոնին ընկերության հոգաբարձուների խորհրդում ընգրկելն ընկերության առաջընթացի լավագույն ճանապարհն է, ինչի համար էլ խորհուրդը նրան տեղ էր հատկացրել»,- ասել է Ագրավալը:
Մասկը ապրիլի 9-ին պետք է պաշտոնապես միանար Twitter-ի տնօրենների խորհրդին, սակայն նույն օրն առավոտյան հայտնել է, որ չի մտնելու դրա կազմի մեջ:
Հիշեցնենք նաև, որ 2022 թվականի մարտին Մասկը գնել էր Twitter-ի բաժնետոմսերի 9,2%-ը։ Փաթեթի արժեքը կազմում է ավելի քան 2,8 միլիարդ դոլար։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
