Tesla-ն շահել է զրպարտության հայցը Չինաստանի քաղաքացի Չժան Յաժոուի դեմ, ով եղել է Tesla Model 3-ի ուղևորը 2021 թվականի փետրվարին: Մեքենան, ըստ կնոջ, վթարի է ենթարկվել անսարք արգելակների պատճառով, և նրա մայրն ու հայրը ստիպված են եղել չորս օր անցկացնել հիվանդանոցում:
Վթարից հետո կինը հրապարակավ բողոքել էր և դատի տվել ամերիկյան արտադրողին, բայց Tesla-ն հակադարձ հայց էր ներկայացրել նրա դեմ զրպարտության համար: Չինական դատարանը կանգնել է ընկերության կողքին՝ պարտավորեցնելով Չժանին վճարել 23000 դոլարին համարժեք վնասի փոխհատուցում և հրապարակային ներողություն խնդրել:
Այժմ կինը շարունակում է բողոքարկել որոշումը, զուգահեռ՝ Tesla-ն հրապարակել է մեքենայի հեռաչափության տվյալները, որոնք, ըստ երևույթին, ցույց են տվել, որ արգելակները աշխատել են այնպես, ինչպես սպասվում էր: Tesla-ն Չինաստանում դատի է տվել «առնվազն» վեց էլեկտրական մեքենաների սեփականատերերի, ովքեր բողոքել են իրենց մեքենաների մեխանիկական խնդիրներից, հաղորդում է Associated Press-ը:
Գործակալության լրագրողները ուսումնասիրել են Չինաստանի պետական տվյալների բազայի հայցերը և պարզել, որ 81 քաղաքացիական գործերից, որոնցում Tesla-ի սեփականատերերը դատի են տվել ընկերությանը անվտանգության, արտադրանքի որակի կամ պայմանագրերի հետ կապված վեճերի համար, ավտոմեքենայի սիրահարները շահել են միայն ինը դեպքում: Tesla-ն նաև դատի է տվել «առնվազն վեց բլոգերների և երկու չինական լրատվամիջոցների», ովքեր քննադատական նյութեր են հրապարակել ընկերության մասին։
Կարդացե՛ք նաև.
