BANA Angels բիզնես հրեշտակների ցանցը ներդրում է կատարել 10Web ստարտափում` սինդիկատ ներդրումների տարբերակով։
10Web-ն առաջարկում է AI Website Builder պրոդուկտը, որը թույլ է տալիս րոպեների ընթացքում մշակել կամ վերստեղծել ցանկացած կայք՝ արհետսական բանականությամբ, ներառյալ բովանդակության և պատկերների ստեղծումը:
«10Web-ը առաջարկում է մրցունակ թվային լուծում, որի մեջ մեծ ներուժ ենք տեսնում։ Հաշվի առնելով արհեստական բանականության զարգացման աննախադեպ տեմպերը՝ վստահ ենք, որ ստարտափը նոր բարձունքներ կգրավի»,- նշել է BANA Angels-ի տնօրեն Սոնա Վեզիրյանը:
Formula VC-ն ներդում է կատարել 10Web-ում
«Արհեստական բանականությունը աննախադեպ հնարավորություններ է ընձեռել կայքերի ստեղծման համար: 10Web-ում մենք օգտագործում ենք գեներատիվ AI տեխնոլոգիան 10Web AI Builder-ում և այլ պրոդուկտներում, որպեսզի հեշտացնենք կայքի անխափան ստեղծումը և հետագա կառավարումը:Մենք շատ ուրախ ենք տեսնել BANA Angels-ին մեր ներդրողների շարքում և շնորհակալ ենք 10Web-ի նկատմամբ նրանց վստահության համար»,- նշել է համահիմնադիր եւ գործադիր տնօրեն Տիգրան Նազարյանը։
10Web-ի ավտոմատացված WordPress հարթակը ավտոմատացնում է ավտոմատացնում է վեբ կայքերի ստեղծումը և հոսթինգը՝ թույլ տալով բոլորին ՝ անկախ տեխնոլոգիական գիտելիքներից կառավարել վեբկայքեր։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
