Impact Hub Yerevan-ը հայտարարում է AXEL’23 սոցիալական ձեռնարկությունների աքսելերացիոն ծրագրի հայտերի ընդունման մեկնարկի մասին:
Ծրագիրը նախատեսված է օգնելու արդեն փորձարկված և շուկայում հայտ ներկայացրած սոցիալական ձեռնարկություններին, որ արագացնեն իրենց աճն ու պատրաստվեն ներդրումների։
Աքսելերացիոն ծրագիրը հնարավորություն կտա մասնակցելու մինչև 10 սեմինարների՝ ներդրումների պատրաստակամության, ազդեցության չափման, ընդլայնման մոդելների և այլ թեմաներով: Մասնակիցները նաև կունենան 15 ժամ տևողությամբ մենթորական հանդիպումներ կայացած փորձագետների և պրակտիկ մասնագետների հետ: Կստեղծեն կապեր ինչպես ազգային, այնպես էլ միջազգային մասնագետների համայնքների հետ:
Ծրագրի տևողությունը 6 ամիս է։ Մասնակցության համար անհրաժեշտ է մինչև ապրիլի 9-ը լրացնել այս հայտաձևը։
AXEL’23 ծրագիրն իրականացնում է Իմփաքթ Հաբ Երևանը՝ ԵՄ կողմից ֆինանսավորվող «Համագործակցություն հանուն սոցիալական ազդեցության» ծրագրի շրջանակում, Եվրոպական վենչուրային մարդասիրական ասոցիացիայի հետ համագործակցությամբ։
Ծրագրի մասին այլ մանրամասներ կգտնեք այստեղ։
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
